ഗവർണർ സർക്കാർ പോരിൽ പുതിയ യുദ്ധത്തിന് തുടക്കം കുറിച്ച് ആരിഫ് മുഹമ്മദ് ഖാൻ. നിലവിൽ ചാൻസലർ സ്ഥാനത്തുനിന്നു തന്നെ നീക്കം ചെയ്തുകൊണ്ടുള്ള ഓർഡിനൻസ് രാഷ്ട്രപതിക്ക് അയയ്ക്കും എന്നു ഗവർണർ പരസ്യമായി പ്രഖ്യാപിച്ച നിലയ്ക്കു സർക്കാരിന്റെ അടുത്ത നീക്കം ആകാംക്ഷയുണർത്തുന്നതാണ്.

അതേസമയം ഗവർണർ അയയ്ക്കുന്ന ഓർഡിനൻ‌സ് ലഭിച്ചാൽ രാഷ്ട്രപതി ഭവൻ‌ കേന്ദ്ര സർക്കാരിലെ ബന്ധപ്പെട്ട വകുപ്പുകളുടെ അഭിപ്രായം തേടുന്നതാണ്. തുടർന്ന് അതു കേട്ട ശേഷമേ തീരുമാനം എടുക്കൂ. കൂടാതെ ഈ നടപടിക്രമം പൂർത്തിയാകാൻ മാസങ്ങളോ വർഷങ്ങളോ എടുത്തേക്കാവുന്നതുമാണ്. ഈ സാഹചര്യത്തിൽ അടിയന്തര ഇടപെടലെന്ന നിലയിൽ സർക്കാർ നടത്തിയ നീക്കം പാഴാകുകയും ചെയ്യും.

ഇപ്പോൾ മുഖ്യമന്ത്രിക്ക് അടിക്ക് തിരിച്ചടി നൽകാനുറച്ച് ഗവർണ്ണർ ആരിഫ് മുഹമ്മദ് ഖാൻ മുമ്പോട്ട് വന്നിരിക്കുകയാണ്. നിലവിൽ മുഖ്യമന്ത്രിയെ വ്യക്തിപരമായി ആക്രമിക്കാനാണ് പ്രസ്താവനകളിലൂടെ ശ്രമിക്കുക. തുടർന്ന് പരമാവധി മുഖ്യമന്ത്രിയെ പ്രകോപിപ്പിക്കും. മുഖ്യമന്ത്രിക്ക് മറുപടി നൽകാനാകാത്ത വിഷയങ്ങൾ ചർച്ചയാക്കുകയും ചെയ്യും.