പ്രതിഷേധം അലയടിക്കുന്ന ഇറാനിൽ ചലച്ചിത്ര താരം ഹെംഗാമെ ഗാസിയാനി അറസ്റ്റിലായതായി റിപ്പോർട്ട്. ഇൻസ്റ്റഗ്രാം പോസ്റ്റിൽ ഹിജാബ് ഇല്ലാതെ പ്രത്യക്ഷപ്പെട്ടതിനെ തുടർന്നാണ് ഇത്തരത്തിൽ അറസ്റ്റ് രേഖപ്പെടുത്തിയത്. ഇത് തന്റെ അവസാന പോസ്റ്റായിരിക്കാമെന്ന് പറഞ്ഞാണ് നടി ഇൻസ്റ്റഗ്രാമിൽ ഹിജാബ് ഇല്ലാതെ എത്തിയത്.

‘ഇനി എന്ത് സംഭവിക്കുമെന്ന് അറിയില്ല. എനിക്ക് എന്ത് തന്നെ സംഭവിച്ചാലും അറിയുക, എന്റെ അവസാന ശ്വാസം വരെ ഞാൻ ഇറാനികൾക്കൊപ്പമായിരിക്കും’- എന്ന് ഗാസിയാനി കുറിക്കുകയുണ്ടായി.

അതേസമയം മഹ്‌സ അമിനിയുടെ കൊലപാതകത്തിന് പിന്നാലെ ഇറാൻ ഭരണകൂടത്തിനും മതപൊലീസിനുമെതിരെ നടക്കുന്ന ഇറാനികളുടെ സമരത്തിന് ഗാസിയാനി ഐക്യദാർഢ്യം പ്രഖ്യാപിക്കുകയുണ്ടായി. സമരക്കാരെ അതിക്രൂരമായി നേരിടുന്ന സൈനികർക്കെതിരെയും ഗാസിയാനി കടുത്ത നിലപാട് സ്വീകരിക്കുകയും ചെയ്തിരുന്നു.