കെഎസ്ആര്ടിസി ബസ്സിടിച്ച് അധ്യാപിക മരിച്ചു ... മരിച്ചത് സ്വകാര്യ സ്കൂളിലെ അധ്യാപിക... കായംകുളം കാക്കനാട് തട്ടാവഴിയിലാണ് അപകടം
കെഎസ്ആര്ടിസി ബസ്സിടിച്ച് അധ്യാപിക മരിച്ചു ... മരിച്ചത് സ്വകാര്യ സ്കൂളിലെ അധ്യാപിക... കായംകുളം കാക്കനാട് തട്ടാവഴിയിലാണ് അപകടം.
കായംകുളം എസ്.എന് ഇന്റര്നാഷണല് സ്കൂളിലെ അധ്യാപികയായ ഭഗവതിപടിയില് വാടകക്ക് താമസിക്കുന്ന ഓച്ചിറ തെക്ക് കൊച്ചുമുറി സരോജ് ഭവനത്തില് സുമമാണ് മരിച്ചത്.
തട്ടാരമ്പലം റോഡില് തട്ടാവഴി ജംഗ്്ഷനില് ഇന്ന് രാവിലെ ഒമ്പത് മണിയോടെയായിരുന്നു സംഭവം നടന്നത്. കായംകുളത്തേക്ക് വരികയായിരുന്ന സുമത്തിനെ പിന്നാലെ വന്ന ബസ് മറികടക്കുന്നതിനിടയില് സ്കൂട്ടറിന്റെ ഹാന്ഡില് തട്ടി മറിഞ്ഞുവീഴുകയും ബസിന്റെ പിന്നിലെ ടയര് തലയിലൂടെ കയറിയിറങ്ങുകയുമായിരുന്നു.
ധരിച്ചിരുന്ന ഹെല്മറ്റ് പൊട്ടി ചിതറിയാണ് തലയിലൂടെ ബസ് കയറി ഇറങ്ങിയത്. അപകടത്തിന് ശേഷം ഡ്രൈവറും കണ്ടക്ടറും ബസില് നിന്നും ഇറങ്ങിയോടുകയായിരുന്നു. സുമത്തിന്റ മൃതദേഹം കായംകുളം താലൂക്ക് ആശുപത്രി മോര്ച്ചറിയിലേക്ക് മാറ്റിയിട്ടുണ്ട്.
അതേസമയം ഓട്ടത്തിനിടെ സ്വകാര്യ ബസ് നിയന്ത്രണം വിട്ടു പുറകിലേക്ക് ഉരുണ്ടു നീങ്ങി.... പിന്നാലെയെത്തിയ ബൈക്ക് യാത്രക്കാരന് ബസിനടിയില് പെട്ട് മരിച്ചു....ചെമ്മരുതി തച്ചോട് പൈപ്പിന്മൂട് ജംഗ്്ഷനില് കഴിഞ്ഞ വെള്ളിയാഴ്ച രാവിലെ 9 മണിയോടെയാണ് അപകടം നടന്നത്. ശ്രീനിവാസപുരം തെക്കേവിള വീട്ടില് അര്ഷാദ്(49) ആണ് മരിച്ചത്. അപകടത്തില്പ്പെട്ട ബസിന്റെ തൊട്ടുപിന്നില് വില്പനയ്ക്കുള്ള മത്സ്യങ്ങളുമായി ബൈക്കില് വരവേയാണ് അര്ഷാദ് അപകടത്തില്പ്പെട്ടത്.
വര്ക്കലയിലേക്കു വരുന്നതിനിടെ പൈപ്പിന്മൂട് ഭാഗത്തെ ചെറിയ കയറ്റത്തോടുകൂടിയ റോഡില് നിയന്ത്രണം നഷ്ടപ്പെട്ടു പിന്നോട്ടേക്ക് നീങ്ങാന് തുടങ്ങിയത്. തൊട്ടു പിറകിലുണ്ടായിരുന്ന അര്ഷാദിനെയും മറ്റൊരു ഇരുചക്രവാഹനക്കാരനെയും ഇടിച്ചു ബസ് പിന്നോട്ട് നീങ്ങവേ അര്ഷാദ് ബസിനടയില്പ്പെട്ടു. എന്നാല് അടുത്ത ബൈക്കിലുണ്ടായിരുന്ന യാത്രക്കാരന് പരുക്കേല്ക്കാതെ രക്ഷപ്പെട്ടു.
ബസ് ഏതാണ്ട് അന്പതിലധികം മീറ്റര് ദൂരത്തോളം പിന്നിലേക്കു ഉരുണ്ട് സമീപത്തെ ഒരു സ്റ്റേഷനറി കടയുടെ മുന്നില് ഇടിച്ചു നിന്നതിനാല് വന് അപകടം ഒഴിവായി. അര്ഷാദിന്റെ ബൈക്ക് ബസിനടിയില് കുടുങ്ങിയ നിലയിലായിരുന്നു. അര്ഷാദിന് സംഭവസ്ഥലത്ത് വച്ചു തന്നെ ജീവന് നഷ്ടമായി.
"
https://www.facebook.com/Malayalivartha
