കേരളത്തിലെ വിവിധ സർവകലാശാല വിസി നിയമനത്തിൽ പല വിധത്തിലുള്ള ആക്ഷേപങ്ങളാണ് ഉയർന്നുകൊണ്ടിരിക്കുന്നത്. പാർട്ടിക്കാരെയും ബന്ധുക്കളെയും തിരുകികയറ്റുന്ന നയമാണ് ഇതുവഴി പുറത്ത് വന്നത്. 'പ്രിയ വർഗ്ഗീസിൻ്റെ ശരീരഭാഷയും ആറ്റിറ്റ്യൂഡും ഒക്കെ കണ്ടപ്പോൾ തൊണ്ടി മുതലും ദൃക്സാക്ഷിയും സിനിമയിലെ കള്ളൻ പ്രസാദാണ് മനസ്സിൽ തെളിഞ്ഞത്. കള്ളത്തരം കയ്യോടെ പിടിക്കപ്പെട്ടിട്ടും അത് സമ്മതിക്കാതെ താൻ കളളനല്ലായെന്ന് സമർത്ഥിക്കുന്ന ഫഹദിൻ്റെ അതേ ശരീരഭാഷയുള്ള ആദ്യത്തെ സഖാത്തിയൊന്നുമല്ല പ്രിയ വർഗ്ഗീസ്' എന്ന് കുറിക്കുകയാണ് അഞ്ജു പാർവതി പ്രഭീഷ്.

ഫേസ്ബുക്ക് കുറിപ്പ് ഇങ്ങനെ;

പ്രിയ വർഗ്ഗീസിൻ്റെ ശരീരഭാഷയും ആറ്റിറ്റ്യൂഡും ഒക്കെ കണ്ടപ്പോൾ തൊണ്ടി മുതലും ദൃക്സാക്ഷിയും സിനിമയിലെ കള്ളൻ പ്രസാദാണ് മനസ്സിൽ തെളിഞ്ഞത്. കള്ളത്തരം കയ്യോടെ പിടിക്കപ്പെട്ടിട്ടും അത് സമ്മതിക്കാതെ താൻ കളളനല്ലായെന്ന് സമർത്ഥിക്കുന്ന ഫഹദിൻ്റെ അതേ ശരീരഭാഷയുള്ള ആദ്യത്തെ സഖാത്തിയൊന്നുമല്ല പ്രിയ വർഗ്ഗീസ്. ഇതിനു മുമ്പ് ഇത്തരം സന്ദർഭങ്ങളിൽ കയ്യോടെ പിടിക്കപ്പെട്ടിട്ടും ഏതു വിധേനയും തൻ്റെ ഭാഗം ക്ലിയർ എന്ന് കാണിക്കാൻ മെഴുകി പിടിച്ചു നില്‌ക്കുന്ന പല പെണ്ണുങ്ങളെയും കണ്ടിട്ടുണ്ട്. അവർക്കെല്ലാം ഒരു കാര്യത്തിൽ സമാനതയുണ്ട്. അവരെല്ലാം 916 സഖാത്തികളാണ് എന്നത് തന്നെ. അവരിൽ ഹൈ പ്രൊഫൈൽ സഖാത്തികൾ മുതൽ ലോക്കൽ അന്തം സഖാത്തികൾ വരെ ഉൾപ്പെടുന്നുണ്ട്. പാർട്ടി മെമ്പർഷിപ്പ് എടുക്കുന്ന മാത്രയിൽ ഇവർക്ക് ഇറ്റിച്ചു നല്കുന്നുണ്ട് വൃത്തികെട്ട narcissistic attitude..

ഒപ്പം ഏത് ഭൂലോക ഉഡായിപ്പ് സിദ്ധാന്തങ്ങളും മണ്ടത്തരങ്ങളും വിളിച്ചുപറഞ്ഞാലും ആഹാ നിലപാട് എന്ന സർട്ടിപ്പിക്കറ്റ് ഒപ്പിട്ടുകൊടുക്കുന്നതിനൊപ്പം ബുദ്ധിജീവി ഫെല്ലോഷിപ്പും. കേരളവർമ്മ കോളേജിനു സ്വന്തമായി ഒരു പാക്കേജ് തന്നെയുണ്ട് ഇക്കാര്യത്തിൽ. നവോത്ഥാന - പുരോഗമന - വിപ്ലവ ഭാവി തലമുറയെ മൂശയിലിട്ട് വാർത്തെടുക്കുന്ന നമ്മളിടമായ കോളേജിൽ പഠിപ്പിക്കാൻ വേണ്ട എലിജിബിലിറ്റി തന്നെ പാർട്ടി മെമ്പർഷിപ്പും മുട്ടിലിഴഞ്ഞും ന്യായീകരിക്കാനുള്ള കഴിവും കാണ്ടാമൃഗത്തെ പിന്നിലാക്കുന്ന തൊലിക്കട്ടിയുമാണ്. എങ്ങനെ വീണാലും നാല് കാലിൽ ലാൻഡ് ചെയ്യാനുള്ള മാർജ്ജാര ഏക്ഷൻ പണ്ട് കവിതാ മോഷണ സമയത്ത് മറ്റൊരു ടീച്ചറിൽ ലോകം കണ്ടതാണല്ലോ!

കഷ്ടപ്പെട്ടു പഠിച്ചു ഡിഗ്രികൾ നേടിയ നേരത്ത് ഈ പാർട്ടിയിൽ ഒരു മെമ്പർഷിപ്പ് എടുത്ത് രണ്ട് സിന്ദാബാദ് വിളിച്ചിരുന്നുവെങ്കിൽ ഇന്ന് ഏതെങ്കിലും സർവ്വകലാശാലയുടെ വി സി ആയിട്ട് ഇരുന്ന് വള്ളീം പുള്ളീം തെറ്റി കത്തെഴുതി കളിക്കാമായിരുന്നു. ഹൈക്കോടതി കണ്ടം വഴി ഓടിച്ചിട്ടും ഒട്ടും കൂസാത്ത അവരുടെ ഭാവമുണ്ടല്ലോ അത് വെളിവാക്കുന്നു നമ്മുടെ പിഴച്ച സിസ്റ്റം.

അതായത് സിന്ദാവാ വിളിച്ചപ്പോൾ പാർട്ടി കുപ്പിപ്പാലായി ഊട്ടിയ ദാറ്റ് സെയിം narcissistic attitude ഉം തലയിൽ കയറ്റി വച്ച രണ്ട് ചാക്ക് ഈഗോയും ദേഹത്ത് വാരി ചുറ്റിയ ഫേക്ക് പുരോഗമന കം ബുദ്ധിജീവി കപടതയുമൊക്കെ അവരുടെ ശരീരഭാഷയിലുണ്ട്. ഈ ആരോപണത്തിൽ നിന്നെല്ലാം ഊരി പോകാൻ പാർട്ടി സഹായിക്കും എന്ന ഹുങ്ക് ആണത്. അതിന് കാരണം ഇവരെ പോലെ പിൻവാതിൽ വഴി അർഹത ഇല്ലാതെ കള്ള സർട്ടിഫിക്കറ്റുകളുമായി കടന്നു കൂടിയ പലരും ഇപ്പോഴും അവർക്കൊപ്പമോ അവർക്ക് മുകളിലായോ പല സർവ്വകലാശാലകളിൽ ഉണ്ടെന്ന് അവർക്കറിയാം. അവരുടെ വിവരങ്ങൾ പുറത്തുവരാതെ ഇരിക്കണമെങ്കിൽ ഇവരെ ഏതു വിധേനയും താങ്ങിയേ പറ്റൂ യു.കെ.ജി സെൻ്ററിനും അടിമകൾക്കും. ഇത്രമേൽ വൃത്തികെട്ട ഒരു ഭരണം.