ഇടുക്കി ശാന്തന്‍പാറയില്‍ കാട്ടാന ആക്രമണത്തില്‍ കര്‍ഷകന്‍ കൊല്ലപ്പെട്ടു. ഏലത്തോട്ടത്തില്‍ ജോലിചെയ്യുന്നതിനിടെയാണ് തലകുളം സ്വദേശി സാമുവലിനു നേരെ ഒറ്റയാന്റെ ആക്രമണം ഉണ്ടായത്.


ശാന്തന്‍പാറയിലെ ഉയര്‍ന്ന പ്രദേശത്താണ് സാമുവലിന്റെ ഏലത്തോട്ടം. മൃതദേഹം തിരിച്ചെത്തിക്കുന്നതിനായി പഞ്ചായത്ത് അധികൃതരും പോലീസും ഉള്‍പ്പെടെയുള്ള സംഘം ഇവിടേക്ക് തിരിച്ചു.

കാട്ടാന ശല്യം കൂടുതലായുള്ള മേഖലയാണ് ഇടുക്കിയിലെ ശാന്തന്‍പാറ, ചിന്നക്കനാല്‍ പ്രദേശം. ഇവിടങ്ങളില്‍ ഒറ്റയാന്‍ ഇറങ്ങി കൃഷി നശിപ്പിക്കുന്നതായി നാട്ടുകാര്‍ നിത്യവും പരാതിപ്പെടുക പതിവായിരുന്നു.