മേയറുടെ കത്ത് വിവാദത്തിൽ തിരുവനന്തപുരം ന​ഗരസഭയിൽ ഇന്നും പ്രതിഷേധം. മേയർ ഡയസിലേക്ക് വരുന്നത് തടയാൻ ബിജെപി കൗൺസിലർമാർ നിലത്ത് കിടന്നാണ് പ്രതിഷേധിച്ചത്. ബിജെപി വനിത കൗൺസിലർമാർ മേയർ ആര്യ രാജേന്ദ്രന്റെ വഴിതടഞ്ഞ് ഡയസിൽ കിടന്ന് പ്രതിഷേധിക്കുകയായിരുന്നു.

അഴിമതി മേയർ ​ഗോ ബാക്ക്' വിളിച്ച് ഡയസിൽ കിടന്ന് പ്രതിഷേധിച്ച പ്രതിപക്ഷ അംഗങ്ങളെ പോലീസ് വലിച്ചിഴച്ച് നീക്കുകയായിരുന്നു. നാല് കൌൺസിലർമാരെ അറസ്റ്റ് ചെയ്ത് നീക്കി. പ്രതിഷേധത്തിനിടയിലും മേയർ ഡയസിലെത്തി കൗൺസിൽ യോ​ഗം ചേർന്നു.