ജോലി സമയത്ത് കറങ്ങി നടന്നാല് അവധി കണക്കാക്കും.... സെക്രട്ടേറിയറ്റില് സന്ദര്ശകര്ക്കും ജീവനക്കാര്ക്കും കര്ശനനിയന്ത്രണങ്ങള് ഏര്പ്പെടുത്താനൊരുങ്ങുന്നു
ജോലി സമയത്ത് കറങ്ങി നടന്നാല് അവധി കണക്കാക്കും.... സെക്രട്ടേറിയറ്റില് സന്ദര്ശകര്ക്കും ജീവനക്കാര്ക്കും കര്ശനനിയന്ത്രണങ്ങള് ഏര്പ്പെടുത്താനൊരുങ്ങുന്നു.
പ്രവേശനനിയന്ത്രണത്തിനായി ഒരുവര്ഷം മുമ്പുവാങ്ങിയ ഉപകരണങ്ങള് സ്ഥാപിക്കുന്നത് അവസാനഘട്ടത്തിലായിരിക്കുകയാണ്. ഹാജര് രേഖപ്പെടുത്താനായി ബയോമെട്രിക് പഞ്ചിങ് ഏര്പ്പെടുത്തിയതിനു പിന്നാലെ ജനുവരി ഒന്നുമുതല് 'അക്സസ് കണ്ട്രോള് സിസ്റ്റം' നിലവില് വരും. ജോലിസമയത്ത് ജീവനക്കാര് സീറ്റിലുണ്ടെന്ന് ഉറപ്പാക്കാനാണിത്.
തിരിച്ചറിയല് കാര്ഡുപയോഗിച്ചു മാത്രം തുറക്കാനാകുന്ന ഗേറ്റുകള് ഓഫീസുകള്ക്കു മുന്നിലും ഇടനാഴികളിലും സ്ഥാപിക്കുകയും ജീവനക്കാര് വരുന്നതും പോകുന്നതും സോഫ്റ്റ്വെയര് രേഖപ്പെടുത്തുകയും ചെയ്യും.
അക്സസ് കണ്ട്രോള് പ്രവര്ത്തനത്തിനുള്ള കരടു നിര്ദേശങ്ങളും പുറത്തിറക്കിയിട്ടുണ്ട്. സാധാരണ ജോലിസമയത്തേക്കാള് കൂടുതല് ജോലിചെയ്യുന്നവര്ക്ക് ദിവസം പരമാവധി രണ്ടുമണിക്കൂറെന്ന കണക്കില് മാസം 1200 മിനിറ്റ് ഗ്രെയ്സ് ടൈം കിട്ടും. ഇത്തരത്തില് ഗ്രെയ്സ് ടൈമുള്ളവര്ക്ക് ദിവസം പരമാവധി രണ്ടേകാല് മണിക്കൂര് ഓഫീസിനു പുറത്തിറങ്ങാവുന്നതാണ്.
ഉച്ചഭക്ഷണത്തിനുള്ള 45 മിനിറ്റുള്പ്പെടെയാണിത്. ഇതില്ക്കൂടുതല് സമയം ഓഫീസിനുപുറത്താണെങ്കില് അരദിവസം അവധിയെടുത്തതായി കണക്കാക്കുകയും ചെയ്യും. നാലുമണിക്കൂറിലധികം പുറത്താണെങ്കില് ഒരുദിവസം അവധിയായി കണക്കാക്കും.
വിവിധ ആവശ്യങ്ങള്ക്ക് സെക്രട്ടേറിയറ്റിലെത്തുന്നവര് സന്ദര്ശകകേന്ദ്രങ്ങളില് അവരുടെ ഏതെങ്കിലും തിരിച്ചറിയല് കാര്ഡ് നല്കണം. പകരം അക്സസ് കണ്ട്രോള് സിസ്റ്റത്തില് ഉപയോഗിക്കാവുന്ന സന്ദര്ശക കാര്ഡ് നല്കും.
തിരിച്ചിറങ്ങുമ്പോള് കാര്ഡ് തിരികെ നല്കണം. സന്ദര്ശക കാര്ഡ് നഷ്ടപ്പെടുത്തിയാല് 500 രൂപ പിഴകൊടുക്കണം.ഈ സംവിധാനത്തിനായി 1.97 കോടിരൂപ ചെലവിട്ട് ഉകരണങ്ങള് വാങ്ങിയിരുന്നു. നവംബറില് പ്രവര്ത്തനം തുടങ്ങാനിരുന്നതാണ്. എന്നാല്, ജീവനക്കാരെ നിയന്ത്രിക്കുന്നതിനെ സംഘടനകള് എതിര്ത്തതോടെ വൈകി.
അതേസമയം ജീവനക്കാരെ നിയന്ത്രിക്കുന്നത് സെക്രട്ടേറിയറ്റിനെ ഫാക്ടറിക്ക് സമാനമാക്കുമെന്നാണ് ജീവനക്കാരുടെ സംഘടനകളുടെ നിലപാട്. ഒരു ഓഫീസില്നിന്ന് മറ്റൊരു ഓഫീസിലേക്കു പോകാനായി നാലിടത്ത് പഞ്ച് ചെയ്യേണ്ടിവരുന്ന ഇടങ്ങളുമുണ്ട്. ഗ്രെയ്സ് ടൈം ഉള്പ്പെടെയുള്ള നിര്ദേശങ്ങളില് അവ്യക്തതയുണ്ടെന്നും സംഘടനകള് പറയുന്നു. പുതിയ സംവിധാനത്തെപ്പറ്റി ചര്ച്ചചെയ്യാനായി വെള്ളിയാഴ്ച ചീഫ് സെക്രട്ടറി സംഘടനകളുടെ പ്രതിനിധികളുമായി ചര്ച്ച നടത്തും.
"
https://www.facebook.com/Malayalivartha
