26/11 ഒരു തമാശയല്ല; ഈ രാജ്യത്തെ ഒരു മുസ്ലിം ആയതിനാൽ ഇതൊക്കെ ദിവസവും അഭിമുഖീകരിക്കേണ്ടി വരുന്നതും ഒരു തമാശയല്ല; നിങ്ങൾക്ക് ഒരിക്കലും എന്റെ മതത്തെ കളിയാക്കാനാകില്ല, അതും ഇത്ര മോശമായ രീതിയിൽ; അത് അത്രക്ക് രസകരമല്ല സർ; വിദ്യാർത്ഥിയുടെ ആ വാക്കുകൾ; ഡോ. ഷിംന അസീസ് കുറിക്കുന്നു
"26/11 ഒരു തമാശയല്ല. ഈ രാജ്യത്തെ ഒരു മുസ്ലിം ആയതിനാൽ ഇതൊക്കെ ദിവസവും അഭിമുഖീകരിക്കേണ്ടി വരുന്നതും ഒരു തമാശയല്ല. നിങ്ങൾക്ക് ഒരിക്കലും എന്റെ മതത്തെ കളിയാക്കാനാകില്ല, അതും ഇത്ര മോശമായ രീതിയിൽ. അത് അത്രക്ക് രസകരമല്ല സർ." അതിപ്രധാനമായ ഒരു സംഭവത്തെ കുറിച്ച് പ്രതികരിച്ച് ഡോ. ഷിംന അസീസ്. ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ;
"26/11 ഒരു തമാശയല്ല. ഈ രാജ്യത്തെ ഒരു മുസ്ലിം ആയതിനാൽ ഇതൊക്കെ ദിവസവും അഭിമുഖീകരിക്കേണ്ടി വരുന്നതും ഒരു തമാശയല്ല. നിങ്ങൾക്ക് ഒരിക്കലും എന്റെ മതത്തെ കളിയാക്കാനാകില്ല, അതും ഇത്ര മോശമായ രീതിയിൽ. അത് അത്രക്ക് രസകരമല്ല സർ." മുസ്ലിം പേര് പറഞ്ഞപ്പോൾ "ഓ, നിങ്ങൾ കസബിനെപ്പോലെയാണല്ലേ?" എന്ന് ചോദിച്ച അധ്യാപകനെതിരെ ഉചിതമായി പ്രതികരിച്ച കർണാടകയിലെ മണിപ്പാൽ ഇൻസ്റ്റിറ്റ്യൂട്ട് ഓഫ് ടെക്നോളജിയിലെ വിദ്യാർത്ഥിയുടെ വാക്കുകളാണിത്.
വീഡിയോ എടുത്ത സഹപാഠി അത് പുറത്ത് വിട്ടതോടെയാണ് സംഗതി ലോകമറിഞ്ഞത്. കാര്യം കൈവിട്ട് പോയെന്നറിയുന്നതോടെ ''നിങ്ങൾ എന്റെ മകനെപ്പോലെയാണ്, ക്ഷമിക്കണം''എന്നൊക്കെ പറഞ്ഞ് പ്രഫസർ ഉരുളുന്നുണ്ട്, "നിങ്ങളുടെ മകനെ നിങ്ങൾ തീവ്രവാദി എന്ന് വിളിക്കുമോ? സോറി പറയുന്നത് നിങ്ങളുടെ ചിന്താഗതിയെ മാറ്റുന്നില്ല" എന്നെല്ലാം അവൻ ആഞ്ഞടിക്കുന്നുമുണ്ട്.
മറ്റ് വിദ്യാർത്ഥികളൊന്നും അവനോടൊപ്പം അവിടെ പ്രതികരിച്ചതായി കണ്ടില്ല. ആ വീഡിയോ എടുത്ത വിദ്യാർത്ഥി അവനോടൊപ്പം നിന്നിരിക്കണം. മനസ്സ് കൊണ്ട് ചേർന്ന് നിന്നവരുമുണ്ടാകും, നല്ലത്. സംഭവത്തിന്റെ ഗൗരവം മനസ്സിലാക്കിയ കോളേജ് പ്രഫസറെ സസ്പെൻഡ് ചെയ്തു, വിദ്യാർത്ഥിക്ക് കൗൺസിലിംഗ് നൽകും. നീതി ചിലയിടങ്ങളിലെങ്കിലും നിലനിൽക്കുന്നുവെന്നറിയുന്നു. ശരിയുടെ കനലുകൾ അവിടവിടെ എരിയുന്നത് കാണുന്നു. അത്രയും ആശ്വാസം.
https://www.facebook.com/Malayalivartha
