ഹിയറിങ്ങിന് വിസിമാര് നേരിട്ടോ അല്ലെങ്കില് വിസിമാര് ചുമതലപ്പെടുത്തിയ അഭിഭാഷകരോ എത്തും.... പുറത്താക്കാതിരിക്കാന് കാരണം കാണിക്കല് നോട്ടീസ് നല്കിയ വൈസ് ചാന്സലര്മാരുടെ ഹിയറിങ് ഗവര്ണര് ഇന്ന് നടത്തും.... യുജിസി മാര്ഗ്ഗനിര്ദേശപ്രകാരമുള്ള യോഗ്യത ഇല്ലാത്ത മുഴുവന് വിസിമാരെയും പുറത്താക്കാനാണ് ഗവര്ണറുടെ നീക്കം
ഹിയറിങ്ങിന് വിസിമാര് നേരിട്ടോ അല്ലെങ്കില് വിസിമാര് ചുമതലപ്പെടുത്തിയ അഭിഭാഷകരോ എത്തും.... പുറത്താക്കാതിരിക്കാന് കാരണം കാണിക്കല് നോട്ടീസ് നല്കിയ വൈസ് ചാന്സലര്മാരുടെ ഹിയറിങ് ഗവര്ണര് ഇന്ന് നടത്തും.... യുജിസി മാര്ഗ്ഗനിര്ദേശപ്രകാരമുള്ള യോഗ്യത ഇല്ലാത്ത മുഴുവന് വിസിമാരെയും പുറത്താക്കാനാണ് ഗവര്ണറുടെ നീക്കം.
രാജ്ഭവനില് 11 മണി മുതലാണ് ഹിയറിങ്. വിസിമാര് നേരിട്ടോ അല്ലെങ്കില് വിസിമാര് ചുമതലപ്പെടുത്തിയ അഭിഭാഷകരോ ഹിയറിങ്ങിന് എത്തും. വിദേശത്തുള്ള എംജി വിസിയുടെ ഹിയറിങ് പിന്നീട് നടത്തും.
ഇന്നെത്താനായി പ്രയാസം ഉണ്ടെന്നാണ് കണ്ണൂര് വിസി അറിയിച്ചിരിക്കുന്നത്. കെടിയു വിസി രാജശ്രീയെ പുറത്താക്കിയ സുപ്രീം കോടതി വിധിയുടെ പശ്ചാത്തലത്തിലാണ് ഹിയറിങ് നടത്തുന്നത്.
ഹിയറിങ്ങ് കഴിഞ്ഞാലും കോടതിയില് വിസിമാര് നല്കിയ കേസ് കൂടി പരിഗണിച്ചാകും ഗവര്ണര് അന്തിമ നിലപാട് എടുക്കുക. ഗവര്ണറുടെ കാരണം കാണിക്കല് നോട്ടീസിനെതിരെ വൈസ് ചാന്സലര്മാര് സമര്പ്പിച്ച ഹര്ജി ഹൈക്കോടതി ഇന്ന് വീണ്ടും പരിഗണിച്ചേക്കും.
കാരണം കാണിക്കല് നോട്ടീസ് നല്കാനായി ചാന്സലറായ ഗവര്ണര്ക്ക് അധികാരമില്ലെന്നാണ് വിസിമാരുടെ വാദം. ചാന്സലറുടെ അധികാര പരിധി സംബന്ധിച്ച് വിശദമായ വാദം കേള്ക്കണമെന്നും വിസിമാര് ആവശ്യപ്പെട്ടിട്ടുണ്ടായിരുന്നു.ഉച്ചയ്ക്ക് 1.45ന് ജസ്റ്റിസ് ദേവന് രാമചന്ദ്രനാണ് ഹര്ജികള് പരിഗണിക്കുന്നത്.
"
https://www.facebook.com/Malayalivartha
