മലക്കം മറിഞ്ഞ സുധാകരനെ കണ്ട് കണ്ണുരുട്ടി സതീശൻ! നെഞ്ച് വിരിച്ച് തരൂർ! മുട്ടുമടക്കി സിപിഎം! തരൂരും കോണ്ഗ്രസും ഒറ്റക്കെട്ട്; സിപിഎമ്മിന് ലീഗ് പ്രേമമെന്ന് കെ സുധാകരന് ; മുസ്ലീം ലീഗിനെ എല്ഡിഎഫിലേക്ക് ക്ഷണിച്ച സിപിഎം പരാമര്ശത്തിനും സുധാകരന്റെ മറുപടി
ശശി തരൂരിനെ വാനോളം ഉയർത്തി കെപിസിസി പ്രസിഡന്റ് കെ സുധാകരന്. ശശി തരൂരുമായി ബന്ധപ്പെട്ട വിവാദങ്ങൾ സംസാരിച്ചു തീർത്തെന്ന് കെ സുധാകരന് പറഞ്ഞു. ഇതിനു പിന്നാലെ ശശി തരൂര് കോണ്ഗ്രസിന്റെ സ്വത്താണെന്ന് സുധാകരന് പറഞ്ഞു. ദില്ലിയില് വെച്ച് അദ്ദേഹവുമായി ചര്ച്ച നടത്തിയതാണെന്നും, പാര്ട്ടി ചട്ടക്കൂടിന് അനുയോജ്യമായി പ്രവര്ത്തിക്കാന് നിര്ദേശം നല്കിയെന്നും സുധാകരന് വ്യക്തമാക്കി.
അതേസമയം തരൂരുമായി യോജിച്ച് പോകുമെന്നും, ആശയക്കുഴപ്പങ്ങളൊന്നുമില്ലെന്നും സുധാകരന് വ്യക്തമാക്കി. കൂടാതെ തരൂരിന്റെ പര്യടനവുമായി ബന്ധപ്പെട്ടുള്ള വിമര്ശനങ്ങള് കെപിസിസിയിലും ചര്ച്ചയായിരുന്നു. പിന്നാലെ തരൂരിനെ വിമര്ശിച്ച് പ്രശ്നം വഷളാക്കരുതെന്ന് യോഗത്തില് നേതാക്കള് അഭിപ്രായപ്പെട്ടു.
ഒപ്പം തന്നെ മുസ്ലീം ലീഗിനെ എല്ഡിഎഫിലേക്ക് ക്ഷണിച്ച സിപിഎം പരാമര്ശത്തിനും ഇതിനിടെ സുധാകരന് മറുപടി പറഞ്ഞിരുന്നു. സിപിഎമ്മിന് ലീഗിനോട് പ്രേമമാണെന്നും, രണ്ടുപേര്ക്കും പ്രേമം ഉണ്ടായാല് അല്ലേ കാര്യങ്ങള് ശരിക്കും നടക്കൂ എന്നും അദ്ദേഹം പറഞ്ഞു. ലീഗുകാര് വര്ഗീയവാദികളാണെന്ന് പറഞ്ഞത് സിപിഎമ്മാണെന്നും സുധാകരന് ചൂണ്ടിക്കാട്ടി.
https://www.facebook.com/Malayalivartha
