ശബരിമല തീര്ഥാടകരുടെ വാഹനത്തില് വേഷം മാറി എത്തി വിജിലന്സ് സംഘം... കൈക്കൂലി വാങ്ങിയ മോട്ടോര് വാഹന വകുപ്പ് ഉദ്യോഗസ്ഥനെയും സഹായിയെയും പിടികൂടിയത് കൈയ്യോടെ....
ശബരിമല തീര്ഥാടകരുടെ വാഹനത്തില് വേഷം മാറി എത്തി വിജിലന്സ് സംഘം... കൈക്കൂലി വാങ്ങിയ മോട്ടോര് വാഹന വകുപ്പ് ഉദ്യോഗസ്ഥനെയും സഹായിയെയും പിടികൂടിയത് കൈയ്യോടെ....
അസി. മോട്ടോര് വെഹിക്കിള് ഇന്സ്പെക്ടര് കെ.ജി. മനോജ്, ഓഫിസ് അസിസ്റ്റന്റ് ഹരികൃഷ്ണന് എന്നിവരാണ് പിടിയിലായത്. കുമളി, സംസ്ഥാന അതിര്ത്തിയിലെ മോട്ടോര് വാഹന ചെക്ക് പോസ്റ്റില് ഇന്നലെ പുലര്ച്ച 12.30നാണ് സംഭവം നടന്നത്.
തമിഴ്നാട്ടില് നിന്ന് തീര്ഥാടകരുമായി ശബരിമലയ്ക്ക് പോകാനെത്തിയ വാഹനത്തിലാണ് ഡ്രൈവറും വാഹനത്തിലെ ജീവനക്കാരുമായി വിജിലന്സ് ഉദ്യോഗസ്ഥര് കയറിയത്.
ചെക് പോസ്റ്റിലെത്തിയ വാഹനത്തില് ഓണ്ലൈനായി ലഭ്യമായ വാഹനത്തിന്റെ പെര്മിറ്റ് ഉദ്യോഗസ്ഥനെ കാണിക്കാനായി വേഷം മാറിയ വിജിലന്സ് ഉദ്യോഗസ്ഥര് ചെക്ക് പോസ്റ്റിലെ മോട്ടോര് വാഹന വകുപ്പ് ഓഫിസിലെത്തി. വാഹനത്തിന്റെ രേഖകള് നല്കിയതോടെ അസി. മോട്ടോര് വെഹിക്കിള് ഇന്സ്പെക്ടര് കെ.ജി. മനോജ്, രേഖകള് സീല് വെച്ച് നല്കാനായി 1000 രൂപ ആവശ്യപ്പെടുകയായിരുന്നു.
രൂപ നല്കി രേഖകള് സീല് വെച്ച് വാങ്ങി പുറത്തിറങ്ങിയ സംഘം മറ്റ് ഉദ്യോഗസ്ഥരുമായി ഓഫിസില് കയറി മനോജിനെയും ഓഫിസ് അസിസ്റ്റന്റ് ഹരികൃഷ്ണനെയും കൈയോടെ പിടികൂടുകയായിരുന്നു.മദ്യലഹരിയിലായിരുന്ന എ.എം വി.ഐയെ പിന്നീട് മെഡിക്കല് പരിശോധനയും നടത്തി. ഓഫിസില് നിന്ന് കണക്കില്പെടാത്ത 3000 രൂപയും കണ്ടെടുത്തു.
https://www.facebook.com/Malayalivartha
