'അഞ്ഞൂറ് രൂപ ചോദിച്ച ആ അമ്മയ്ക്ക് ലഭിച്ചത് അമ്പത്തൊന്ന് ലക്ഷം രൂപ. ജീവിതം കരു പിടിപ്പിക്കാൻ ആവശ്യമായതിലും അധികം അവർക്കായി നല്കിയ ദൈവ സ്പർശമുള്ള മനുഷ്യർ. ഈ പുണ്യമണ്ഡലകാലത്തെ, വിശുദ്ധ ഡിസംബറിലെ ഏറ്റവും നിറവുള്ള കാഴ്ച...' അഞ്ജു പാർവതി പ്രഭീഷ് കുറിക്കുന്നു
കഴിഞ്ഞ ദിവസം ഫേസ്ബുക്കിൽ ഒരു അധ്യാപിക ഇട്ട പോസ്റ്റ് ഏവർക്കും വേദന നൽകുന്നതായിരുന്നു. താൻ പഠിപ്പിക്കുന്ന വിദ്യാർത്ഥിയുടെ സഹോദരനെക്കുറിച്ചായിരുന്നു ആ അധ്യാപികയുടെ പോസ്റ്റ് വന്നത്. കുറഞ്ഞ സമയം കൊണ്ട് തന്നെ ആ പോസ്റ്റ് സോഷ്യൽമീഡിയയിൽ വൈറൽ ആയി മാറുകയായിരുന്നു. ഇപ്പോഴിതാ മലയാളികളുടെ സ്നേഹത്തെ കുറിച്ച് വ്യക്തമാക്കിക്കൊണ്ട് രംഗത്ത് എത്തിയിരിക്കുകയാണ് അഞ്ജു പാർവതി പ്രഭീഷ്.
ഫേസ്ബുക് കുറിപ്പ് ഇങ്ങനെ;
ഒരു പൂവ് ചോദിച്ചപ്പോൾ ഒരു പൂക്കാലം നല്കിയ മലയാളികൾക്ക് ഹൃദയം നിറഞ്ഞ നന്ദിയുമായി ഗിരിജ ടീച്ചറും സുഭദ്രാമ്മയും. അഞ്ഞൂറ് രൂപ ചോദിച്ച ആ അമ്മയ്ക്ക് ലഭിച്ചത് അമ്പത്തൊന്ന് ലക്ഷം രൂപ. ജീവിതം കരു പിടിപ്പിക്കാൻ ആവശ്യമായതിലും അധികം അവർക്കായി നല്കിയ ദൈവ സ്പർശമുള്ള മനുഷ്യർ. ഈ പുണ്യമണ്ഡലകാലത്തെ, വിശുദ്ധ ഡിസംബറിലെ ഏറ്റവും നിറവുള്ള കാഴ്ച.
മനുഷ്യൻ ദൈവത്തോളമുയരുന്ന അത്യപൂർവ്വ സന്ദർഭം. ഗിരിജ ടീച്ചർ പോസ്റ്റിട്ട് നാല്പത്തിയെട്ട് മണിക്കൂറിനുള്ളിൽ സുഭദ്രയെന്ന അമ്മയ്ക്ക് ലഭിച്ച 51 ലക്ഷം പറയുന്നുണ്ട് നന്മ ഇറ്റുന്ന മനസ്സുകൾ ഒത്തുച്ചേരുമ്പോൾ ആരുമില്ലാത്തവർ സനാഥരാകുമെന്ന്. ഇന്ന് കണ്ട ഏറ്റവും നിറവുള്ള വാർത്തയും ചിത്രങ്ങളും.
https://www.facebook.com/Malayalivartha