കൊച്ചിയിൽ ഓവര്ടേക്കിങ്ങിനിടെ ബൈക്കില് നിന്നും തെറിച്ചുവീണു; കെഎസ്ആര്ടിസിക്ക് അടിയില്പ്പെട്ട് വിദ്യാര്ത്ഥിയ്ക്ക് ദാരുണാന്ത്യം
കൊച്ചിയിൽ ഓവര്ടേക്കിങ്ങിനിടെ ബൈക്കില് നിന്നും തെറിച്ചുവീണുണ്ടായ അപകടത്തിൽ വിദ്യാര്ത്ഥി മരിച്ചു. ഓവര്ടേക്കിങ്ങിനിടെ കെഎസ്ആര്ടിസി ബസിന് അടിയില്പ്പെട്ടാണ് വിദ്യാര്ത്ഥി മരിച്ചത്. അപകടത്തിൽ കോതമംഗലം കോട്ടപ്പടി സ്വദേശി അശ്വിന് എല്ദോസ് ആണ് മരിച്ചത്. ബിഡിഎസ് വിദ്യാര്ത്ഥിയാണ്.
അതേസമയം കോതമംഗലം നഗരത്തില് വെച്ചായിരുന്നു സംഭവം നടന്നത്. രാവിലെ 11.30 ഓടെയായിരുന്നു അപകടം. കെഎസ്ആര്ടിസി ബസിനെ മറികടക്കാന് ശ്രമിക്കവെയാണ് ബൈക്കില് സഞ്ചരിക്കുകയായിരുന്ന വിദ്യാര്ത്ഥി അപകടത്തില്പ്പെട്ടത്.
സംഭവ സമയം താലൂക്ക് ആശുപത്രിക്ക് മുന്നില് നിര്ത്തിയിട്ട കെഎസ്ആര്ടിസി ബസ് മുന്നോട്ട് എടുക്കുന്നതിനിടെ എല്ദോസും ഓവര്ടേക്ക് ചെയ്യാന് ശ്രമിക്കുകയായിരുന്നു. എന്നാൽ ഇതിനിടെ ബൈക്ക് സ്കിഡ് ചെയ്ത് എല്ദോസ് നേരെ ബസിന്റെ പിന്ചക്രങ്ങളുടെ അടിയിലേക്ക് വീഴുകയായിരുന്നു.
https://www.facebook.com/Malayalivartha