വിവാഹത്തിൽ പങ്കെടുക്കാൻ പോകുന്നതിനിടെ കാർ പുഴയിലേയ്ക്ക് മറിഞ്ഞ് മൂന്ന് മരണം: അപകടം മറ്റൊരു വാഹനത്തിന് സൈഡ് കൊടുക്കാൻ ശ്രമിക്കുന്നതിനിടെ....
വാഹനത്തിന് സൈഡ് കൊടുക്കുന്നതിനിടെ ആറാട്ടുപുഴ ശാസ്താംകടവിന് സമീപം പുഴയിലേയ്ക്ക് കാർ മറിഞ്ഞ് ആറുവയസ്സുകാരനുള്പ്പെടെ മൂന്നുപേര് മരിച്ചു. തൃശ്ശൂര് ചീരാച്ചി യസോറാം ഗാര്ഡന് ശ്രീവിഹാറില് രാജേന്ദ്ര ബാബു(66), ഭാര്യ സന്ധ്യ(60), മകളുടെ മകന് സമര്ഥ് എന്നിവരാണ് മരിച്ചത്.
രാജേന്ദ്രബാബുവിന്റെ മകന് ശരതി(30)നെ നാട്ടുകാര് രക്ഷിച്ചു. ഒരു വിവാഹത്തില് പങ്കെടുക്കാന് പോകുന്നതിനിടെയായിരുന്നു സംഭവം. ഇന്ന് ഉച്ചയോടെയാണ് അപകടം നടന്നത്.
മറ്റൊരു വാഹനത്തിന് സൈഡ് കൊടുക്കുന്നതിനിടെ നിയന്ത്രണം വിട്ട് കാര് പുഴയിലേക്ക് മറിയുകയായിരുന്നു എന്നാണ് വിവരം. വാഹനം മറിഞ്ഞ ഭാഗത്ത് 15 അടിയോളം ആഴത്തില് വെള്ളമുണ്ടായിരുന്നു. ഇതുമൂലം വാഹനത്തിലുണ്ടായിരുന്നവരെ കരയ്ക്കെടുക്കാന് പ്രയാസം നേരിട്ടതായി നാട്ടുകാര് പറഞ്ഞു.
https://www.facebook.com/Malayalivartha