വാക്കു തര്ക്കത്തിനിടെ കൈയ്യിലിരുന്ന തോര്ത്തു മുണ്ട് ഭാര്യയുടെ കഴുത്തില് മുറുക്കി.... ബോധരഹിതയായി വീണ പൂര്ണ്ണ ഗര്ഭിണിയായ ഭാര്യയെ കൊലപ്പെടുത്തിയെന്ന സംശയത്തില് ആദിവാസി യുവാവ് ആത്മഹത്യ ചെയ്തു...
വാക്കു തര്ക്കത്തിനിടെ കൈയ്യിലിരുന്ന തോര്ത്തു മുണ്ട് ഭാര്യയുടെ കഴുത്തില് മുറുക്കി.... ബോധരഹിതയായി വീണ ഗര്ഭിണിയായ ഭാര്യയെ കൊലപ്പെടുത്തിയെന്ന സംശയത്തില് ആദിവാസി യുവാവ് ആത്മഹത്യ ചെയ്തു... 9 മാസം ഗര്ഭിണിയാണ് സിനി.
വാളറ കുളമാം കുഴി ആദിവാസി കോളനിയിലെ കര്ണന് (26) ആണ് തൂങ്ങി മരിച്ചത്. അടിമാലി ഒഴുവത്തടത്താണ് സംഭവം നടന്നത്. മദ്യ ലഹരിയില് വീട്ടിലെത്തിയ കര്ണന്, വാക്ക് തര്ക്കത്തിനിടെ തന്റെ കൈയിലിരുന്ന തോര്ത്ത് മുണ്ട് ഭാര്യ സിനിയുടെ കഴുത്തില് മുറുക്കി. പെട്ടെന്ന് ശ്വാസം കിട്ടാതായ സിനി ബോധരഹിതയായി തളര്ന്ന് വീണു.
സിനി തളര്ന്ന് വീണതോടെ ഭയന്ന് പോയ കര്ണന്, സിനി മരിച്ചതായി തെറ്റിദ്ധരിച്ചു. തുടര്ന്ന് ഇയാള് വനത്തിലേക്ക് ഓടിപ്പോയി. ഇതിനിടെ വീട്ടിലെത്തിയ സിനിയുടെ ബന്ധുക്കള് സിനിയെ ആശുപത്രിയിലെത്തിച്ചു.
തുടര്ന്ന് കര്ണ്ണന് വേണ്ടി നടത്തിയ അന്വേഷണത്തിനിടെയാണ് ഇയാള് വനത്തിനുള്ളിലെ കൂറ്റന് മരത്തില് തൂങ്ങി നില്ക്കുന്നതായി കണ്ടത്. ബന്ധുക്കളെത്തിയപ്പോഴേക്കും മരണം സംഭവിച്ചിരുന്നു. ഇവരുടെ ആദ്യത്തെ കുട്ടിയാണ് ഗര്ഭാവസ്ഥയിലുള്ളത്. കുടുംബവഴക്കിനെ തുടര്ന്ന് മദ്യപിച്ചെത്തുന്ന കര്ണ്ണന് ഭാര്യ സ്ഥിരമായി ഉപദ്രവിക്കാറുണ്ടായിരുന്നെന്ന് ബന്ധുക്കളും പൊലീസും പറയുന്നു.
https://www.facebook.com/Malayalivartha
