മലയാള സിനിമയിലെ യൂത്ത് ഐക്കണാണ് ഉണ്ണി മുകുന്ദൻ. താരത്തിന്റെ ചിത്രങ്ങൾക്കെല്ലാം വലിയ സ്വീകാര്യതയാണ് ലഭിക്കുന്നത്. കഴിഞ്ഞ ദിവസമാണ് ഉണ്ണി മുകുന്ദൻ നായകനാകുന്ന മാളികപ്പുറം തിയേറ്ററുകളിൽ എത്തിയത്. ഇപ്പോൾ മികച്ച അഭിപ്രായം നേടി സിനിമ തിയേറ്ററിൽ കുതിക്കുകയാണ്.

മാത്രമല്ല ചിത്രം കണ്ടവർക്കെല്ലാം നല്ല അഭിപ്രായം മാത്രം. ഇപ്പോഴിതാ സംവിധായകൻ നാദിർഷയും സിനിമയെ കുറിച്ച് അഭിപ്രായം പറയുകയാണ്. ബുദ്ധിജീവികൾ അല്ലാത്തതു കൊണ്ടാകാം എനിക്കും ഒപ്പമുള്ള സുഹൃത്തുക്കൾക്കും സിനിമ ഇഷ്ടമായെന്ന് നാദിർഷ പറയുന്നു.

എന്നാൽ ഇതിൽ രാഷ്ട്രീയവും മതവും കൂട്ടിക്കിഴിക്കേണ്ട ആവശ്യമില്ലെന്നും, സിനിമ ഇഷ്ടപ്പെടുന്ന ഒരു സാധാ പ്രേക്ഷകന്റെ അഭിപ്രായമായി കണക്കാക്കിയാൽ മതിയെന്നും നാദിർഷ വ്യക്തമാക്കിയിരുന്നു. എന്നാൽ ഇതിനു പിന്നാലെ വിമർശനവുമായും പരിഹാസവുമായും ഒരു കൂട്ടം ആളുകൾ നാദിർഷയുടെ ഫേസ്‌ബുക്ക് പോസ്റ്റിന് താഴെ കമന്റുകളുമായെത്തി.

അതിൽ ഒരാളുടെ കമന്റ് ഇങ്ങനെയായിരുന്നു. ‘സങ്കികളുടെ ഇഷ്ടം കിട്ടാൻ ഉള്ള സൈക്കോളജിക്കൽ മൂവ് മെന്റ് അല്ലേ ഭായ്’ എന്നയിരുന്നു ചോദ്യം. ഇതിനു കിടിലൻ മറുപടിയാണ് നാദിർഷ നൽകിയത്. ‘ഏതൊരു കാര്യവും ഉറപ്പോടെ, ചങ്കൂറ്റത്തോടെ പറയുന്നവനാണ് ഭായ് യഥാർത്ഥ കമ്മ്യൂണിസ്റ്റ്’ എന്നായിരുന്നു നാദിർഷ നൽകിയ മറുപടി.