കഴിഞ്ഞ ദിവസം വാഹനാപകടത്തില് പരിക്കേറ്റ ഇന്ത്യന് ക്രിക്കറ്റ് താരം ഋഷഭ് പന്തിനെ പ്ലാസ്റ്റിക്ക് സര്ജറിക്ക് വിധേയനാക്കി... നെറ്റിയില് മൈനര് പ്ലാസ്റ്റിക്ക് സര്ജറിയായിരുന്നുവെന്ന് ആശുപത്രി അധികൃതര്... ദെഹ്റാദൂണിലെ മാക്സ് ആശുപത്രിയിലാണ് താരം ചികിത്സയില് കഴിയുന്നത്..
നെറ്റിയില് മൈനര് പ്ലാസ്റ്റിക്ക് സര്ജറിയായിരുന്നുവെന്ന് ആശുപത്രി അധികൃതര്.ദെഹ്റാദൂണിലെ മാക്സ് ആശുപത്രിയിലാണ് താരം ചികിത്സയില് കഴിയുന്നത്.ഡല്ഹി-ദെഹ്റാദൂണ് ഹൈവേയില് ദെഹ്റാദൂണില് നിന്ന് 90 കിലോമീറ്റര് അകലെ നര്സനില് വെള്ളിയാഴ്ച പുലര്ച്ചെയായിരുന്നു അപകടം. മാതാപിതാക്കളെ കാണുന്നതിനായാണ് വെള്ളിയാഴ്ച പുലര്ച്ചെ പന്ത് തന്റെ കാറുമായി ഡല്ഹിയില് നിന്ന് പുറപ്പെട്ടത്. മെഴ്സിഡസിന്റെ ജി.എല്.ഇ കാറാണ് താരം ഉപയോഗിച്ചത്. എന്നാല് ഡല്ഹി-ഹരിദ്വാര് ഹൈവേയില് വെച്ച് താരത്തിന്റെ കാര് ഡിവൈഡറിലിടിച്ചു. പുലര്ച്ചെ ഏകദേശം 5.30 ഓടെയാണ് അപകടമുണ്ടായത്. ഡിവൈഡറിലിടിച്ച വാഹനം പിന്നീട് പൂര്ണമായും കത്തി നശിച്ചു.
അപകടത്തില് താരത്തിന്റെ നെറ്റിയില് രണ്ട് മുറിവുകളുണ്ടായിരുന്നു. ഇതാണ് താരത്തെ പ്ലാസ്റ്റിക്ക് സര്ജറിക്ക് വിധേയനാക്കിയത്. കൂടാതെ വലത് കാല്മുട്ടിന്റെ ലിഗമെന്റിനും പരിക്കേറ്റിട്ടുണ്ട്. ഇതോടൊപ്പം താരത്തിന്റെ വലത് കൈത്തണ്ട, കണങ്കാല്, കാല്വിരല് എന്നീ ഇടങ്ങളിലും പരിക്കുണ്ട്.പന്തിന് ഗുരുതരമായ പരിക്കുകളൊന്നും പ്രഥമദൃഷ്ട്യാ കണ്ടെത്തിയിട്ടില്ലെന്നും അദ്ദേഹത്തിന്റെ ആരോഗ്യനില തൃപ്തികരമാണെന്നും മാക്സ് ഹോസ്പിറ്റല് മെഡിക്കല് സൂപ്രണ്ട് ഡോ. ആശിഷ് യാഗ്നിക് പറഞ്ഞു.
https://www.facebook.com/Malayalivartha
