റേഷന് കടകള്ക്ക് ഇന്ന് അവധി..... ഡിസംബറിലെ വിഹിതം ജനുവരി അഞ്ചുവരെ വാങ്ങാമെന്ന നിര്ദേശം പിന്വലിച്ചു.. റേഷന് വിതരണത്തില് കേന്ദ്രസര്ക്കാര് പുതുക്കിയ റേഷന് പദ്ധതി അവതരിപ്പിച്ച സാഹചര്യത്തിലാണിതെന്ന് മന്ത്രി ജി.ആര്.അനില്
റേഷന് കടകള്ക്ക് ഇന്ന് അവധി..... ഡിസംബറിലെ വിഹിതം ജനുവരി അഞ്ചുവരെ വാങ്ങാമെന്ന നിര്ദേശം പിന്വലിച്ചു.. റേഷന് വിതരണത്തില് കേന്ദ്രസര്ക്കാര് പുതുക്കിയ റേഷന് പദ്ധതി അവതരിപ്പിച്ച സാഹചര്യത്തിലാണിതെന്ന് മന്ത്രി ജി.ആര്.അനില്
പാവപ്പെട്ടവര്ക്കായുള്ള ഭക്ഷ്യസുരക്ഷാപദ്ധതിപ്രകാരം ഒരു വര്ഷത്തേക്കനുവദിച്ച സൗജന്യ ഭക്ഷ്യധാന്യത്തിന്റെ വിതരണം കേന്ദ്രസര്ക്കാര് സംസ്ഥാനത്തും ആരംഭിച്ചു. കേരളസര്ക്കാര് അറിയാതെ തുടങ്ങിയതുകാരണം തിങ്കളാഴ്ചത്തെ വിതരണം ആശയക്കുഴപ്പത്തിലായി.ജനുവരി മുതലാണു കേന്ദ്രം സൗജന്യ ഭക്ഷ്യധാന്യവിതരണം പ്രഖ്യാപിച്ചത്.
അതേസമയം, സെര്വര് തകരാര് കാരണം സംസ്ഥാനത്ത് ഡിസംബറിലെ വിതരണം ജനുവരി അഞ്ചുവരെ നീട്ടിയിരുന്നു. ആറുമുതലാണ് സൗജന്യം കേരളത്തില് നടപ്പാക്കേണ്ടിയിരുന്നത്. അതനുസരിച്ചാണു സംസ്ഥാനവും നടപടിയെടുത്തത്. എന്നാല്, 'ഒരു രാജ്യം ഒരു റേഷന്കാര്ഡ്' നയമനുസരിച്ച് മറ്റു സംസ്ഥാനങ്ങളിലെപ്പോലെ ഇവിടെയും കേന്ദ്രം തിങ്കളാഴ്ചതന്നെ സൗജന്യപദ്ധതി നടപ്പാക്കി. അതിനാല്, ഡിസംബറിലെ റേഷന്വാങ്ങാനെത്തിയ മുന്ഗണനാവിഭാഗങ്ങള്ക്ക് (പിങ്ക്) അരിക്കു പണം നല്കേണ്ടി വന്നില്ല.
റേഷന്വ്യാപാരികളുടെ കൈകാര്യച്ചെലവെന്ന നിലയില് ഈ വിഭാഗങ്ങളില്നിന്നു കിലോയ്ക്ക് രണ്ടുരൂപ നിരക്കില് ഈടാക്കിയ തുകയാണ് ഒഴിവായത്. കേന്ദ്രം ജനുവരിയിലെയും സംസ്ഥാനം ഡിസംബറിലെയും വിഹിതമായി കണക്കാക്കിയാണു ഭക്ഷ്യധാന്യം നല്കിയത്. അതിനാല്, തിങ്കളാഴ്ച സൗജന്യമായി ഭക്ഷ്യധാന്യം വാങ്ങിയവര്ക്ക് ഡിസംബറിലെ വിഹിതം നഷ്ടമാകുകയും ചെയ്തു.
മുന്ഗണനാവിഭാഗങ്ങളില്പ്പെട്ട മഞ്ഞ, പിങ്ക് കാര്ഡുകള്ക്കായാണു കേന്ദ്രം സൗജന്യ ഭക്ഷ്യധാന്യപദ്ധതി പ്രഖ്യാപിച്ചത്. കോവിഡുകാലത്തു പ്രഖ്യാപിച്ച പ്രധാനമന്ത്രി ഗരീബ് കല്യാണ് അന്നയോജന പദ്ധതി സാധാരണ റേഷനുമായി ലയിപ്പിച്ചായിരുന്നു സൗജന്യം. മഞ്ഞക്കാര്ഡുകാര്ക്ക് (എ.എ.വൈ.) നേരത്തേ മുതല് കേരളം സൗജന്യമായാണ് അരി നല്കുന്നത്. അതിനാല്, കേന്ദ്രപദ്ധതിയിലൂടെ അവര്ക്കു പ്രത്യേക ഗുണമൊന്നുമുണ്ടാകില്ല.
അതേസമയം തിങ്കളാഴ്ച ഉച്ചയോടെയാണു കേന്ദ്രം അരിവിതരണം തുടങ്ങിയതായി ഭക്ഷ്യമന്ത്രി ജി.ആര്. അനില് അറിയുന്നത്. ഉടന്തന്നെ വിതരണം നിര്ത്തിവെക്കാനായി റേഷന്വ്യാപാരി നേതാക്കളോടു മന്ത്രി വാക്കാല് നിര്ദേശിച്ചു. എന്നാല്, ഇ-പോസ് യന്ത്രത്തില് സൗജന്യപദ്ധതി വന്നതിനാല് വ്യാപാരികള് അതിനു തയ്യാറായില്ല. ഉത്തരവിറക്കിയാലേ വിതരണം നിര്ത്താനാകൂവെന്ന് അവര് നിലപാടെടുത്തു.
വൈകുന്നേരത്തോടെ ഡിസംബറിലെ വിഹിതം ജനുവരി അഞ്ചുവരെ വാങ്ങാമെന്ന നിര്ദേശം പിന്വലിച്ചതായി മന്ത്രിയുടെ ഓഫീസ് അറിയിച്ചു. കേന്ദ്രസര്ക്കാര് സൗജന്യമായി നല്കുന്ന പി.എം.ജി.കെ.എ.വൈ. വിഹിതം ഡിസംബറില് വാങ്ങാത്തവര്ക്ക് ജനുവരി 10 വരെ വാങ്ങാന് അവസരം നല്കി. നാലുമുതലായിരിക്കും ഇനി വിതരണം തുടങ്ങുക.
"
https://www.facebook.com/Malayalivartha
