കേരളത്തിലെ മന്ത്രിമാർക്കെതിരെ കടുത്ത ആരോപണമായി സ്വപ്ന സുരേഷ് രംഗത്ത് വന്നിരിക്കുകയാണ്. ഗുരുതരമായ ആരോപണങ്ങളും വിമർശനവുമാണ് സ്വപ്ന സുരേഷ് മന്ത്രിമാർക്കെതിരെ ഉന്നയിച്ചിരിക്കുന്നത്. താൻ ആരൊയൊക്കെ കുറിച്ച് തുറന്നു പറച്ചിലുകൾ നടത്തിയോ, അതായത് താൻ ആരോപണവിധേയരായിരിക്കുന്ന മന്ത്രിമാർ പന്നിയുടെ തോലുള്ള ആളുകളാണെന്നാണ് സ്വപ്നാ സുരേഷ് പറഞ്ഞിരിക്കുന്നത്, ഇവരൊക്കെ ആണാണെന്നു പറയാൻ പോലും എനിക്ക് നാണക്കേടാണെന്നും സ്വപ്നാ സുരേഷ് തുറന്നടിച്ചിരിക്കുകയാണ്.

താൻ ഇത്രയേറെ തെളിവുകൾ നിരത്തി എന്ന് സ്വപ്ന ചൂണ്ടിക്കാണിച്ചു. ഇവർക്കെതിരെ സത്യങ്ങൾ വിളിച്ചു പറഞ്ഞിട്ടും ഇപ്പോഴും അധികാരത്തിൽ കടിച്ചു തൂങ്ങുന്ന ഇവർ ആണാണെന്ന് പറയാൻ തന്നെ എനിക്ക് നാണം തോന്നുന്നു വെന്നാണ് സ്വപ്നാ സുരേഷ് പറഞ്ഞിരിക്കുന്നത് . ഒരു സ്വകാര്യ മാധ്യമത്തിന് നൽകിയ ഇന്റെർവ്യൂവിലാണ് സ്വപ്നാ സുരേഷ് പറഞ്ഞിരിക്കുന്നത്.

അതേസമയം സിപിഎം നേതാവ് ഇ.പി.ജയരാജന്റെ മകൻ ജയ്സണെതിരെ ബെനാമി ഇടപാട് ആരോപണവുമായി സ്വർണക്കടത്ത് കേസ് പ്രതി സ്വപ്ന സുരേഷ് രംഗത്ത് വന്നിരുന്നു . യുഎഇയിലെ ബെനാമി കമ്പനി വഴിയുള്ള ഇറക്കുമതി ഇടപാടിനു സഹായം തേടി ജയ്സൺ ദുബായിൽ താനുമായി ചർച്ച നടത്തിയെന്നും അദ്ദേഹത്തിന് റാസൽഖൈമയിൽ സ്വന്തമായി എണ്ണ ശുദ്ധീകരണ കമ്പനി ഉണ്ടെന്നും സ്വപ്ന ആരോപിച്ചു. ജയ്സണും താനും ദുബായിൽ നടത്തിയ കൂടിക്കാഴ്ചയുടെ ചിത്രം പുറത്തു വന്നിട്ടുണ്ടെന്നും സ്വപ്ന പറഞ്ഞു.

കഴിഞ്ഞ സർക്കാരിന്റെ കാലത്തു പൊലീസിന് ക്യാമറകൾ ഉൾപ്പെടെയുള്ള ഉപകരണങ്ങൾ യുഎഇയിലെ ബെനാമി കമ്പനി വഴി ഇറക്കുമതി ചെയ്യുന്ന ഇടപാടിനാണു ജയ്സൺ ചർച്ച നടത്തിയത്. ഇ.പി.ജയരാജനും ഈ വിവരം അറിയാമായിരുന്നു. അഭ്യന്തര വകുപ്പിനെ ഈ ഇടപാടിൽ നിന്ന് ഒഴിവാക്കി സ്വന്തം നിലയ്ക്കു ചെയ്യാനായിരുന്നു ജയ്സന്റെ ശ്രമം. അതിനു പിന്നാലെയാണ് സ്വർണക്കടത്തുമായി ബന്ധപ്പെട്ട കേസ് വന്നത്. പിന്നീട് ഇടപാടിന് എന്ത് സംഭവിച്ചു എന്നറിയില്ലെന്നും സ്വപ്ന പറഞ്ഞു.