എസ് എന്‍ കോളേജ് ഇന്‍ഡോര്‍ സ്‌റ്റേഡിയത്തിന്‍റെ ഉദ്ഘാടന വേദിയില്‍ മുഖ്യമന്ത്രി പിണറായി വിജയൻ ശ്രീനാരായണ കീര്‍ത്തനത്തെയും ഗുരുവിനെയും അപമാനിച്ചെന്ന ആരോപണം ശക്തമാകുകയാണ് . ഇപ്പോൾ ഇതാ ഈ വിഷയത്തിൽ മുഖ്യമന്ത്രിക്കെതിരെ രംഗത്ത് വന്നിരിക്കുകയാണ് സ്വപ്ന സുരേഷ്. അതി രൂക്ഷമായ വിമർശനമാണ് സ്വപ്ന സുരേഷ് മുഖ്യമന്ത്രിക്കെതിരെ ഉന്നയിക്കുന്നത്. താൻ ജീവിക്കുന്ന ഗുരുദേവൻ എന്ന് ആൾക്കാരെ ബോധിപ്പിക്കാനാണ് മുഖ്യമന്ത്രിയുടെ ശ്രമം എന്ന തരത്തിലാണ് സ്വപ്നയുടെ വിമർശനം ഫേസ്ബുക്കിൽ പങ്കുവെച്ച സ്വപ്നയുടെ വാക്കുകൾ ഇങ്ങനെബഹുമാനപ്പെട്ട മുഖ്യമന്ത്രി ഇത് നാണക്കേടാണ് ,ചടങ്ങിൽ പങ്കെടുക്കാൻ വേണ്ടി ശിവഗിരി വരെ പോകാൻ ബുദ്ധിമുട്ട് നേരിട്ടു.

അവസാനം എല്ലാവർക്കും മനസ്സിലാക്കേണ്ടി വന്നു അതായത് ശ്രീ പിണറായി വിജയൻ ആൾക്കാർക്ക് കാണിച്ച് കൊടുത്തിരിക്കുകയാണ് . താൻ ജീവിക്കുന്ന ഗുരുദേവനാണെന്ന്. ഇത് ലജ്ജാകരമാണ് . ഇതൊരു അന്താരാഷ്‌ട്ര തലത്തിൽ ഉപകാരപ്പെടുന്ന പ്രതിനിധി സമ്മേളനത്തിമായിരുന്നെങ്കിൽ, ബഹുമാനപ്പെട്ട മുഖ്യമന്ത്രി കുടുംബത്തെ മുഴുവൻ കൂട്ടി പോയി ഗുരുദേവനെ പൊന്ന് കുളിപ്പിച്ചേനെ തല താഴ്ത്തി മുട്ടുകുത്തി ആദരവ് പ്രകടിപ്പിച്ചേനെ!!!!!! മഹത്തായ ജോലി ബഹുമാനപ്പെട്ട മുഖ്യമന്ത്രി.......എന്നാണ് സ്വപ്നയുടെ വിമർശനം.

അതേസമയം എസ് എന്‍ കോളേജ് ഇന്‍ഡോര്‍ സ്‌റ്റേഡിയത്തിന്‍റെ ഉദ്ഘാടന വേദിയില്‍ മുഖ്യമന്ത്രി പിണറായി വിജയൻ ശ്രീനാരായണ കീര്‍ത്തനത്തെയും ഗുരുവിനെയും അപമാനിച്ച എന്ന ആരോപണം ശക്തമാകുകയാണ് . അതിന്റെ വീഡിയോ ദൃശ്യങ്ങൾ പ്രചരിക്കുന്നുണ്ട്. ഇതിൽ വളരെ വ്യക്തമായി മുഖ്യമന്ത്രി ശ്ലോകം ചൊല്ലുമ്പോൾ എല്ലാവരും എഴുന്നേൽക്കുന്നതിനൊപ്പം എണീറ്റ് പകുതിയായപ്പോൾ വേണ്ടെന്ന് തീരുമാനിച്ചു.

അത് മാത്രമല്ല എഴുന്നേൽക്കാൻ ശ്രമിച്ച് കടന്നപ്പള്ളിയേയും ഇരിക്കാനായി ആവശ്യപ്പെടുകയായിരുന്നു. സംഭവത്തിന് പിന്നാലെ മുഖ്യമന്ത്രിയെ വിമർശിച്ച് കൊണ്ട് നിരവധിയാളുകൾ രംഗത്ത് വന്നിരുന്നു. ഈ വിഷയത്തെ ഗുരുതരമായി ഗുരുനിന്ദയായി തന്നെയാണ് കോൺഗ്രസ് അടക്കമുള്ള പ്രതിപക്ഷ പാർട്ടികൾ ആരോപിക്കുന്നത്. ശ്രീനാരായണ ഗുരുവിനെ സ്തുതിക്കുന്ന ശ്ലോകത്തിനോട് പോലും മുഖ്യമന്ത്രി എന്തിനാണ് ഇത്ര ധാര്‍ഷ്ട്യം കാട്ടുന്നതെന്ന് ചോദിച്ച് കൊണ്ട് കെപിസിസി പ്രസിഡന്റ് കെ. സുധാകരൻ രംഗത്ത് വന്നതും ശ്രദ്ധേയമാണ്.

ശ്രീനാരായണ വേദികളില്‍ പതിവായി ഉപോഗിക്കുന്ന ഗുരു സ്തുതി ശ്ലോകം എല്ലാവരും എഴുന്നേറ്റ് നിന്ന് ആദരിക്കുന്ന ഒന്നാണ്. ആ കീഴ്വഴക്കം പരസ്യമായി തെറ്റിക്കാന്‍ മുഖ്യമന്ത്രിക്കുണ്ടായ ചേതോവികാരം എന്താണെന്ന് വ്യക്തമാക്കണം. ശ്രീനാരായണ ഗുരുവിനെ സ്തുതിക്കുന്ന ശ്ലോകത്തിനോട് പോലും മുഖ്യമന്ത്രി എന്തിനാണ് ഇത്ര ധാര്‍ഷ്ട്യം കാട്ടുന്നതെന്ന് കെ സുധാകരന്‍ എംപി ചോദിച്ചു.