തിരുവനന്തപുരം ശ്രീകാര്യം പബ്ലിക്ക് മാർക്കറ്റിലെ നഗരസഭയുടെ കീഴിലുള്ള ബയോ ഗ്യാസ് പ്ലാന്റ് പൊട്ടി. പ്രദേശത്ത് ദുർഗന്ധം പരന്നു. സ്ഥലത്ത് നഗരസഭയുടെ ഉദ്യോഗസ്ഥരും, ഫയർഫോഴ്‌സും എത്തി തുടർന്ന് നാട്ടുകാരുമായി ചേർന്ന് പൊട്ടിയ ബയോ ഗ്യാസ് പ്ലാന്റ് അടച്ചിട്ടുണ്ട്. റോഡിലേയ്ക്ക് പൊട്ടി ഒഴുകിയ മാലിന്യം ഫയർഫോഴ്‌സ് വെള്ളം ഉപയോഗിച്ച് താൽക്കാലികമായി വൃത്തിയാക്കി.

ഏറെ നേരം പ്രശ്നം നിലനിന്നതിനാൽ ഗതാഗതക്കുരുക്കും ആളുകളെ വലച്ചു. ആറ് കിലോമീറ്റർ അപ്പുറത്തേയ്ക്കും ദുർഗന്ധം വ്യാപിച്ചിരുന്നു. 2017ൽ ആണ് ബയോഗ്യാസ് ശ്രീകാര്യം മാർക്കറ്റിനുള്ളിൽ സ്ഥാപിച്ചത്. അഞ്ച് വർഷമായി ഇതിന്റെ മെയിന്റനൻസ് നടത്തിയിരുന്നില്ല.

നഗരസഭയും കമ്പനിയും തമ്മിലുള്ള തർക്കമാണ് ഇതിന് കാരണമായത്. മുൻകൂറായി പണം നൽകിയാലേ മെയിന്റനൻസ് നടത്തുവെന്ന് കമ്പനിയും പണി കഴിഞ്ഞാൽ മാത്രമേ നൽകുവെന്ന് നഗരസഭയും പിടിവാശി കാണിച്ചതാണ് കഴിഞ്ഞ കുറയെ കാലങ്ങളായി മെയിന്റനൻസ് നടക്കാതെ പോയത്.