നാളെ സജി ചെറിയാന്റെ സത്യപ്രതിജ്ഞ.... സത്യപ്രതിജ്ഞ യുഡിഎഫ് ബഹിഷ്കരിക്കുമെന്ന് പ്രതിപക്ഷനേതാവ് വി.ഡി. സതീശന്
വാദ പ്രതിവാദങ്ങള്ക്കൊടുവില് നാളെ മന്ത്രിയായി സജി ചെറിയാന് സത്യപ്രതിജ്ഞ ചെയ്യുകയണ്. എന്നാല് സത്യപ്രതിജ്ഞ യുഡിഎഫ് ബഹിഷ്കരിക്കുമെന്നണ് പ്രതിപക്ഷനേതാവ് വി.ഡി. സതീശന് പറയുന്നത്. അതേസമയം, സജി ചെറിയാനെതിരായ കേസിലെ നടപടികള് നിര്ത്തിവയ്ക്കണമെന്ന് ആവശ്യപ്പെട്ട് പരാതിക്കാരന് തിരുവല്ല കോടതിയില് തടസഹര്ജി നല്കി. സജി ചെറിയാനെതിരെ നിയമനടപടിയുമായി പ്രതിപക്ഷം മുന്നോട്ടുപോകും. മുഖ്യമന്ത്രിക്കും ഗവര്ണര്ക്കുമിടയില് ഇടനിലക്കാരുണ്ടെന്നും പ്രതിപക്ഷ നേതാവ് ആരോപിച്ചു.
സജി ചെറിയാനെതിരെ സി.ബി.ഐ അന്വേഷണം ആവശ്യപ്പെട്ടുളള ഹൈക്കോടതിയിലെ ഹര്ജി ചൂണ്ടിക്കാട്ടിയാണ് തിരുവല്ല കോടതിയില് തടസഹര്ജി നല്കിയത്. ഹൈക്കോടതി തീരുമാനംവരുംവരെ നടപടികള് നിര്ത്തിവയ്ക്കണമെന്ന് പരാതിക്കാരനായ അഡ്വ.ബൈജു നോയല് ആവശ്യപ്പെടുന്നു. റഫര് റിപ്പോര്ട്ടില് തെളിവുകളില്ലാത്തതിനാല് കേസ് അവസാനിപ്പിക്കാന് സാധ്യതയുള്ളതിനാലാണ് തടസ ഹര്ജി നല്കിയതെന്നും പരാതിക്കാരന് വ്യക്തമാക്കി.
മന്ത്രിമാരെ നിശ്ചയിക്കാനുള്ള അധികാരം മുഖ്യമന്ത്രിക്കാണെന്നും തീരുമാനം മുഖ്യമന്ത്രി അറിയിച്ചാല് അത് ചോദ്യം ചെയ്യാന് ഭരണഘടനാപരമായി ഗവര്ണര്ക്ക് അധികാരമില്ലെന്ന നിയമോപദേശത്തെ തുടര്ന്നാണ് ഗവര്ണര് അനുമതി നല്കിയത്.
സിപിഐഎം സെക്രട്ടേറിയറ്റ് യോഗത്തിലാണ് സജി ചെറിയാന് മന്ത്രിസഭയിലേക്ക് തിരിച്ചുവരുന്നത് സംബന്ധിച്ച് തീരുമാനം എടുത്തത്. ഗവര്ണറുടെ സൗകര്യം നോക്കി തിയതി നിശ്ചയിക്കാന് മുഖ്യമന്ത്രിയെ ചുമതലപ്പെടുത്തിയിരുന്നു. സജി ചെറിയാന് കൈകാര്യം ചെയ്തിരുന്ന ഫിഷറീസ്, സിനിമാ സാംസ്കാരികവകുപ്പുകള് തന്നെ നല്കാനായിരുന്നു ധാരണ.
https://www.facebook.com/Malayalivartha
