സത്യപ്രതിജ്ഞ ഇന്ന് വൈകുന്നേരം നാലിന് രാജ്ഭവനില്.... സജി ചെറിയാന് വീണ്ടും മന്ത്രിയായി സത്യപ്രതിജ്ഞ ചെയ്യാന് ഗവര്ണര് ആരിഫ് മുഹമ്മദ് ഖാന് അനുമതി നല്കി.... ഭരണഘടനയെ അധിക്ഷേപിച്ചെന്ന കേസ് നിലനില്ക്കുമ്പോള് സജി ചെറിയാന് മന്ത്രിയാകുന്നതിനോടുള്ള വിയോജിപ്പ് ഗവര്ണര് മുഖ്യമന്ത്രിയെ അറിയിച്ചശേഷമാണ് സത്യപ്രതിജ്ഞയ്ക്ക് അനുമതി നല്കിയത്
സത്യപ്രതിജ്ഞ ഇന്ന് വൈകുന്നേരം നാലിന് രാജ്ഭവനില്.... സജി ചെറിയാന് വീണ്ടും മന്ത്രിയായി സത്യപ്രതിജ്ഞ ചെയ്യാന് ഗവര്ണര് ആരിഫ് മുഹമ്മദ് ഖാന് അനുമതി നല്കി.... ഭരണഘടനയെ അധിക്ഷേപിച്ചെന്ന കേസ് നിലനില്ക്കുമ്പോള് സജി ചെറിയാന് മന്ത്രിയാകുന്നതിനോടുള്ള വിയോജിപ്പ് ഗവര്ണര് മുഖ്യമന്ത്രിയെ അറിയിച്ചശേഷമാണ് സത്യപ്രതിജ്ഞയ്ക്ക് അനുമതി നല്കിയത്.
ഇന്ന് നാലിന് രാജ്ഭവനില് നടക്കുന്ന ചടങ്ങില് സി.പി.എം. സംസ്ഥാന സെക്രട്ടേറിയറ്റംഗമായ സജി ചെറിയാന് സത്യവാചകം ചൊല്ലി അധികാരമേല്ക്കും.
മുഖ്യമന്ത്രി നിര്ദേശിക്കുന്നയാള്ക്ക് സത്യവാചകം ചൊല്ലിക്കൊടുക്കാനുള്ള ഭരണഘടന ബാധ്യത നിറവേറ്റുകയാണെന്നാണ് ഇതേക്കുറിച്ച് ഗവര്ണര് പ്രതികരിച്ചത്. രാജ്ഭവന്റെ സ്റ്റാന്ഡിങ് കൗണ്സലിനുപുറമെ, ഭരണഘടനാവിദഗ്ധരായ മുതിര്ന്ന അഭിഭാഷകരില് നിന്നടക്കം നിയമോപദേശം തേടിയശേഷമാണ് ഗവര്ണര് തീരുമാനമെടുത്തത്.
ഭരണഘടനയെ അധിക്ഷേപിച്ചതിന്റെപേരില് രാജിവെച്ചയാള് ആ കേസ് നിലനില്ക്കുമ്പോള് മന്ത്രിസ്ഥാനത്ത് തിരിച്ചെത്തുന്നത് അസാധാരണ സാഹചര്യമാണെന്നായിരുന്നു കഴിഞ്ഞദിവസം ഗവര്ണര് പറഞ്ഞത്. ഈ നിലപാടില് നിന്ന് അദ്ദേഹം മാറി.
സജി ചെറിയാന് മന്ത്രിയാകുന്നതിന്റെ ധാര്മികവും നിയമപരവുമായ ബാധ്യത ഗവര്ണര്ക്കില്ലെന്നായിരുന്നു മുതിര്ന്ന അഭിഭാഷകരുടെ ഉപദേശം.
സത്യപ്രതിജ്ഞയെ ഗവര്ണര് എതിര്ത്താല് എന്ത് നടപടി സ്വീകരിക്കണമെന്ന കാര്യത്തില് കൂടിയാലോചനയിലേക്ക് സര്ക്കാര് കടന്നിട്ടുണ്ടായിരുന്നു. ചൊവ്വാഴ്ച വൈകീട്ട് എല്ലാ മന്ത്രിമാരോടും സെക്രട്ടേറിയറ്റിലേക്കെത്താനായി മുഖ്യമന്ത്രി നിര്ദേശം നല്കിയിരുന്നു. എന്നാല്, ഈ യോഗം നടക്കുന്നതിനുമുമ്പായി രാജ്ഭവനില്നിന്ന് അറിയിപ്പ് ലഭിച്ചു.
കെ.കെ. രാമചന്ദ്രന് നായരുടെ നിര്യാണത്തെത്തുടര്ന്ന് 2018-ല് ചെങ്ങന്നൂരില് നടന്ന ഉപതിരഞ്ഞെടുപ്പിലാണ് ആദ്യമായി നിയമസഭാംഗമാകുന്നത്. 2021-ല് വീണ്ടും ജയിച്ച് മന്ത്രിസഭയിലെത്തി. മുമ്പ് വഹിച്ചിരുന്ന സാംസ്കാരികം, ഫിഷറീസ്, യുവജനകാര്യം എന്നീ വകുപ്പുകള് സജി ചെറിയാന് വീണ്ടും ലഭിച്ചേക്കും.
" f
https://www.facebook.com/Malayalivartha
