അതൊട്ടും പ്രതീക്ഷിച്ചില്ല... ഗവര്ണര് വിളിച്ച ക്രിസ്തുമസ് ആഘോഷത്തില് പങ്കെടുക്കാതെ നിരസിച്ചവര് ഇന്ന് കൂട്ടത്തോടെ രാജ്ഭവനില്; സസ്പെന്സിട്ട് സജി ചെറിയാന്റെ സത്യപ്രതിജ്ഞ ഇന്ന്; 182 ദിവസത്തിന് ശേഷം പിണറായി മന്ത്രിസഭയിലേക്ക് സജി ചെറിയാന്റെ തിരിച്ചുവരവ്
ഓണ പരിപാടികള്ക്ക് ഗവര്ണറെ വിളിച്ചില്ലെങ്കിലും ക്രിസ്തുമസ് സത്ക്കാരത്തിന് ഗവര്ണര് സകലരേയും വിളിച്ചു. എന്നാല് സര്ക്കാരും പ്രതിപക്ഷവും ഈ ക്ഷണം നിരസിച്ചു. മാത്രമല്ല മുഖ്യമന്ത്രി വിളിച്ച ക്രിസ്തുമസ് വിരുന്നില് ഗവര്ണറെ ക്ഷണിച്ചുമില്ല. അന്ന് മാറ്റിവച്ച സത്ക്കാരം ഇന്ന് നടക്കും. എല്ലാവരുമെത്തും.
രണ്ടാം പിണറായി സര്ക്കാരില് സജി ചെറിയാന് ഇന്ന് വീണ്ടും മന്ത്രിയായി സത്യപ്രതിജ്ഞ ചെയ്യും. രാജ്ഭവനില് വൈകീട്ട് നാലിനാണ് സത്യപ്രതിജ്ഞ നടക്കുക. കടുത്ത വിയോജിപ്പോടെ ഇന്നലെയാണ് സത്യപ്രതിജ്ഞക്ക് ഗവര്ണര് അനുമതി നല്കിയത്. അറ്റോര്ണി ജനറലിന്റെ നിയമോപദേശത്തിന്റെ അടിസ്ഥാനത്തിലായിരുന്നു തീരുമാനം.
സജി ചെറിയാനെതിരായ കേസില് കോടതിയുടെ അന്തിമതീര്പ്പ് വരാത്ത സാഹചര്യത്തില് പ്രശ്നത്തില് ഇനിയുണ്ടാകുന്ന എല്ലാ കാര്യങ്ങളുടേയും ഉത്തരവാദിത്വം സര്ക്കാരിനായിരിക്കുമെന്നാണ് ഗവര്ണര് മുഖ്യമന്ത്രിയെ അറിയിച്ചത്. ചടങ്ങ് പ്രതിപക്ഷം ബഹിഷ്ക്കരിക്കും.
182 ദിവസത്തെ ഇടവേളക്ക് ശേഷമാണ് സജി ചെറിയാന് പിണറായി മന്ത്രിസഭയിലേക്ക് മടങ്ങിയെത്തുന്നത്. നേരത്തെ വഹിച്ചിരുന്ന ഫിഷറീസ് - സാംസ്കാരികം - സിനിമ - യുവജനക്ഷേമ വകുപ്പുകളായിരിക്കും അദ്ദേഹത്തിന്റെ ലഭിക്കുക. സജി ചെറിയാനെ മന്ത്രിയാക്കണമെന്ന മുഖ്യമന്ത്രിയുടെ ശുപാര്ശ ഗവര്ണര് അംഗീകരിച്ചതില് നിര്ണായകമായത് അറ്റോര്ണി ജനറല് നല്കിയ ഉപദേശം തന്നെയായിരുന്നു.
മുഖ്യമന്ത്രിയുടെ ശുപാര്ശ ഗവര്ണര് തള്ളിയാല് മുഖ്യമന്ത്രിയില് അവിശ്വാസം രേഖപ്പെടുത്തിയെന്ന് വരുമെന്നായിരുന്നു അറ്റോര്ണി ജനറല് ഗവര്ണര്ക്ക് നല്കിയ നിയമോപദേശം. സംസ്ഥാനത്തെ മന്ത്രിയെ തീരുമാനിക്കാനുള്ള അധികാരം മുഖ്യമന്ത്രിക്കാണ്. ഭരണഘടന മന്ത്രിയെ തീരുമാനിക്കാനുള്ള അധികാരം മുഖ്യമന്ത്രിക്ക് നല്കുന്നു.
ശുപാര്ശ മറികടന്നാല് ഭരണഘടനയെ ഗവര്ണര് തന്നെ മറികടന്നുവെന്ന് വരുമെന്നും അതിനാല് വിയോജിപ്പ് രേഖപ്പെടുത്തി അനുമതി നല്കാമെന്നായിരുന്നു ഉപദേശം. ഇതിന്റെ അടിസ്ഥാനത്തിലാണ് സജി ചെറിയാനെ മന്ത്രിയാക്കണമെന്ന മുഖ്യമന്ത്രിയുടെ ശുപാര്ശ ശക്തമായ വിയോജിപ്പുകളോടെ ഗവര്ണര് അംഗീകരിച്ചത്. മൂന്ന് ദിവസം നീണ്ട അനിശ്ചിതത്വങ്ങള്ക്കൊടുവിലാണ് സജിയുടെ മടക്കത്തില് കടുത്ത വിയോജിപ്പോടെയുള്ള ഗവര്ണറുടെ അനുമതി ലഭിച്ചത്. പല നിയമവിദഗ്ധരില് നിന്നും നിയമോപദേശങ്ങള് തേടി പരമാവധി സര്ക്കാരിനെ മുള്മുനയില് നിര്ത്തിയശേഷമായിരുന്നു മുഖ്യമന്ത്രിയുടെ ശുപാര്ശ ആരിഫ് മുഹമ്മദ് ഖാന് അംഗീകരിച്ചത്.
അതേസമയം മന്ത്രിസ്ഥാനത്തേക്ക് തിരിച്ചെത്തുന്നതില് സന്തോഷമെന്ന് സജി ചെറിയാന് പറഞ്ഞു. മാറിനിന്ന കാലത്തും പാര്ട്ടിയേല്പ്പിച്ച ഉത്തരവാദിത്തം നിര്വഹിച്ചു. ഗവര്ണറുടെ വിയോജിപ്പിന് മറുപടിയില്ലെന്നും രാഷ്ട്രീയ നേതൃത്വം മറുപടി പറയുമെന്നും സജി ചെറിയാന് പറഞ്ഞു. 182 ദിവസത്തെ ഇടവേളക്ക് ശേഷമാണ് പിണറായി മന്ത്രിസഭയിലേക്കുള്ള സജി ചെറിയാന് മടങ്ങുന്നത്. നേരത്തെ ഉണ്ടായിരുന്ന ഫിഷറീസ് - സാംസ്ക്കാരികം - സിനിമ - യുവജനക്ഷേ വകുപ്പുകള് തന്നെയായിരിക്കും വീണ്ടും സജി ചെറിയാന് കിട്ടുക.
സജി ചെറിയാനെ മന്ത്രിയാക്കണമെന്ന മുഖ്യമന്ത്രിയുടെ ശുപാര്ശ ശക്തമായ വിയോജിപ്പുകളോടെയാണ് ഗവര്ണര് അംഗീകരിച്ചത്. സജി ചെറിയാന് വിഷയത്തില് ഭാവിയില് എന്ത് തിരിച്ചടിയുണ്ടായാലും ഉത്തരവാദിത്വം മുഖ്യമന്ത്രിക്കും സര്ക്കാരിനുമായിരിക്കുമെന്ന് മുഖ്യമന്ത്രിയെ ഫോണില് ഗവര്ണര് വിളിച്ചറിയിച്ചു.
മൂന്ന് ദിവസം നീണ്ട അനിശ്ചിതത്വങ്ങള്ക്കൊടുവിലാണ് സജിയുടെ മടക്കത്തില് കടുത്ത വിയോജിപ്പോടെ ഗവര്ണര് അനുമതി നല്കിയത്. പല നിയമവിദഗ്ധരില് നിന്നും നിയമോപദേശങ്ങള് തേടി പരമാവധി സര്ക്കാരിനെ മുള്മുനയില് നിര്ത്തിയ ശേഷമായിരുന്നു മുഖ്യമന്ത്രിയുടെ ശുപാര്ശ അംഗീകരിച്ചത്. സാഹചര്യം അസാധാരണമാണ്. എന്നാല് മന്ത്രിയെ തീരുമാനിക്കാനുള്ള അധികാരം മുഖ്യമന്ത്രിക്കായിരിക്കെ സത്യപ്രതിജ്ഞക്കായി ശുപാര്ശ ചെയ്യുന്ന പേര് തള്ളിക്കളയാന് ഗവര്ണര്ക്ക് കഴിയില്ലെന്ന് ഗവര്ണര് തന്നെ സമ്മതിക്കുന്നു. എന്തായാലും ക്രിസ്തുമസിന് മാറ്റിവച്ച സത്ക്കാരം ഇത്രവേഗം ഒത്തുവരുമെന്ന് ആരും കരുതിയില്ല.
"
https://www.facebook.com/Malayalivartha
