ചികിത്സയ്ക്കു ശേഷം ബെംഗളൂരുവിൽ നിന്നു മടങ്ങിയെത്തിയ മുൻ മുഖ്യമന്ത്രി ഉമ്മൻ ചാണ്ടിയുടെ ക്ഷേമം അന്വേഷിച്ച് ഗവർണർ ആരിഫ് മുഹമ്മദ് ഖാൻ. ജഗതിയിലെ ഉമ്മൻ ചാണ്ടിയുടെ വസതിയിലാണ് ഇന്നലെ ഗവർണർ എത്തിച്ചേർന്നത്. ഉമ്മൻചാണ്ടിയുടെ ആരോഗ്യം മെച്ചപ്പെട്ടെന്നും എന്നാൽ കൂടുതൽ വിശ്രമം എടുത്ത് പൂ‍ർണ ആരോഗ്യവാനാകണമെന്നും അദ്ദേഹം ഉപദേശിച്ചു. ഗവർണർ മുണ്ട് ഉടുക്കുന്നതിനെക്കുറിച്ച് ആരോ അപ്പോൾ ചോദിച്ചു.

എഴുപതുകളിൽ സുഹൃത്തായ കോൺഗ്രസ് നേതാവ് വാസുദേവപ്പണിക്കരാണ് തന്നെ മുണ്ട് ഉടുക്കാൻ പഠിപ്പിച്ചതെന്ന് അദ്ദേഹം പ്രതികരിച്ചു. ഇപ്പോൾ കേരളത്തിൽ ഉളള നേതാക്കളെക്കാൾ നന്നായി മുണ്ട് ഉടുക്കാൻ തനിക്ക് അറിയാം. അതൊക്കെയാണു ചിലർക്കു പിടിക്കാത്തത് – ഗവർണറുടെ പ്രതികരണം ഉമ്മൻ ചാണ്ടിയിലും ചിരി പടർത്തി. എംഎൽഎമാരായ പി.സി.വിഷ്ണുനാഥും എം.വിൻസന്റും ഉമ്മൻചാണ്ടിക്ക് ഒപ്പം ഉണ്ടായിരുന്നു. കോൺഗ്രസ് നേതാവ് രമേശ് ചെന്നിത്തല രാവിലെ സന്ദർശിച്ചു. : രാജ്ഭവനിൽ വിസിമാരുടെ ഹിയറിംഗ് ഇന്ന് തുടരും. എംജി -കണ്ണൂർ വിസിമാർക്ക് ഇന്ന് ഹാജരാകാൻ നിർദ്ദശം നൽകിയത്. കണ്ണൂർ വിസി ഹാജരാകാൻ വീണ്ടും രണ്ടാഴ്ച കൂടി സമയം ചോദിച്ചിട്ടുണ്ട്. ഗവർണറെ അറിയിച്ച ശേഷം വിദേശത്ത് പോയ എംജി സർവകലാശാല വിസി കഴിഞ്ഞ ഹിയറിംഗിൽ പങ്കെടുത്തിരുന്നില്ല. വിദേശ സന്ദർശനം പൂർത്തിയാക്കി തിരിച്ചെത്തിയ അദ്ദേഹം ഇന്ന് രാജ്ഭവനിലെത്തും.

സംസ്ഥാനത്തെ ഏഴ് വൈസ് ചാൻസിലർമാരുടെ ഹിയറിംഗ് കഴിഞ്ഞ ദിവസം പൂർത്തിയായിരുന്നു. കോടതിയിലുള്ള കേസിൻറെ പുരോഗതി കൂടി നോക്കിയാകും വിസിമാരെ പുറത്താക്കുന്നതിൽ ഗവർണ്ണർ തീരുമാനമെടുക്കും. രാജ്ഭവൻ സ്റ്റാൻഡിംഗ് കൗൺസിലും ഇന്ന് ഗവർണറെ കാണാൻ എത്തുന്നുണ്ട്. ചാൻസലർ ബില്ലിൽ ഉള്ള സ്റ്റാൻഡിംഗ് കൗൺസിലിൻറെ നിയമോപദേശവും ഇന്ന് നൽകിയേക്കും. ബില്ലിൽ ഗവർണ്ണർ യുജിസിയുട നിലപാട് കൂടി ആരായാനും സാധ്യതയുണ്ട്...