കൊല്ലത്ത് മന്ത്രിസ്ഥാനത്ത് തുടരാൻ സജി ചെറിയാൻ യോഗ്യനല്ലെന്ന ബിജെപി അധ്യക്ഷൻ കെ സുരേന്ദ്രൻ. സജി ചെറിയാനെ മന്ത്രിയാക്കിയത് എല്ലാ ജനാധിപത്യ മര്യാദകളും കാറ്റിൽ പറത്തിയാണെന്നും, സജി ചെറിയാന്റെ മന്ത്രിസ്ഥാനത്തിനെതിരെ നിയമ നടപടി ആരംഭിക്കുമെന്നും കെ സുരേന്ദ്രൻ.

അതേസമയം ഇത് ധാർമികമായും രാഷ്ട്രീയമായും തെറ്റായ തീരുമാനമാണെന്നും, മന്ത്രിസ്ഥാനത്ത് തുടരാൻ സജി ചെറിയാൻ യോഗ്യനല്ലെന്നും അദ്ദേഹം പറഞ്ഞു. കൂടാതെ സജി ചെറിയാന് മന്ത്രി സ്ഥാനം നൽകിയത് സർക്കാർ പ്രവർത്തിക്കുന്നത് ഭരണഘടന വിരുദ്ധമായാണ് എന്നതിന്റെ തെളിവാണ് എന്നും കെ സുരേന്ദ്രന്‍ വിമര്‍ശിച്ചു.

മാത്രമല്ല നിലവിൽ കലോത്സവത്തിലെ നോൺ വെജ് വിവാദത്തെ കുറിച്ചും അദ്ദേഹം പ്രതികരിച്ചു. വിവാദം അനാവശ്യമാണ് എന്നും എല്ലാവരും കഴിക്കുന്ന ഭക്ഷണം എന്ന നിലയിലാണ് വെജ് വിളമ്പുന്നതെന്നും പറയുന്നു. കൂടാതെ നോൺവെജ് പുറത്തുപോയി കഴിക്കാമല്ലോ. സസ്യേതര ഭക്ഷണം കഴിക്കുന്നതിന് കേരളത്തിൽ ആരും എതിരല്ലെന്നും കെ സുരേന്ദ്രൻ പറഞ്ഞു.