യുവാവിനെ ലോക്കപ്പില് കെട്ടിയിട്ട് മര്ദിച്ച ഡെപ്യൂട്ടി റേഞ്ചറെ സസ്പെന്ഡ് ചെയ്തു
യുവാവിനെ ലോക്കപ്പില് കെട്ടിയിട്ട് മര്ദിച്ച സംഭവത്തില് ഡെപ്യൂട്ടി റേഞ്ചറെ വനം വകുപ്പ് സസ്പെന്ഡ് ചെയ്തു. ആര്യങ്കാവ് പുതുശ്ശേരി വീട്ടില് സന്ദീപ് മാത്യുവിനാണ് മര്ദനമേറ്റത്. ആര്യങ്കാവ് കടമാന്പാറ ഫോറസ്റ്റ് സ്റ്റേഷനിലെ മുന് ഡെപ്യൂട്ടി റേഞ്ചര് എ. ജില്സണെയാണ് സസ്പെന്ഡ് ചെയ്തത്. ഡെപ്യൂട്ടി റേഞ്ചര് ഇപ്പോള് കുത്തൂപ്പുഴ ഡിപ്പോയില് ജോലി ചെയ്യുകയാണ്.
കഴിഞ്ഞ നവംബര് 18ന് വൈകീട്ടായിരുന്നു സംഭവം നടന്നത്. കടമാന്പാറ ചന്ദനത്തോട്ടത്തിനു സമീപമുള്ള ഇയാളുടെ കൃഷിയിടത്തില് ഓട്ടോയില് പോയി മടങ്ങിവരവെയാണ് വനപാലകര് ഓട്ടോ തടഞ്ഞുനിര്ത്തി സന്ദീപിനെ കസ്റ്റഡിയിലെടുത്ത് ക്രൂരമായി മര്ദിച്ചത്.
സംഭവമറിഞ്ഞ് ജനരോഷമുയര്ന്നതോടെ തെന്മല പൊലീസെത്തിയാണ് യുവാവിനെ മോചിപ്പിച്ചത്. മൂക്കിന് സാരമായി പരിക്കേറ്റ യുവാവ് രണ്ടാഴ്ചയോളം ചികിത്സയിലായിരുന്നു. സംഭവത്തെ തുടര്ന്ന് വനപാലകര്ക്കെതിരെ വന് പ്രതിഷേധമുയര്ന്നതോടെയാണ് ജില്സണെ സ്ഥലം മാറ്റിയത്. വനം മന്ത്രിയുടെ നിര്ദേശത്തെ തുടര്ന്ന് ഫ്ലൈയിങ് സ്ക്വാഡ് ഡി.എഫ്.ഒ നടത്തിയ അന്വേഷണ റിപ്പോര്ട്ടിന്റെ അടിസ്ഥാനത്തിലാണ് ഇപ്പോള് നടപടി സ്വീകരിച്ചത്.
https://www.facebook.com/Malayalivartha
