ക്ഷേത്രോത്സവത്തിനിടെ ബഹളം.... മദ്യലഹരിയില്‍ പൊലീസ് ഉദ്യോഗസ്ഥരെ അസഭ്യം പറയുകയും ആക്രമിക്കുകയും ചെയ്ത സംഭവത്തില്‍ പ്രതി പൊലീസ് പിടിയില്‍
ക്ഷേത്രോത്സവത്തിനിടെ ബഹളം.... മദ്യലഹരിയില്‍ പൊലീസ് ഉദ്യോഗസ്ഥരെ അസഭ്യം പറയുകയും ആക്രമിക്കുകയും ചെയ്ത സംഭവത്തില്‍ പ്രതി പൊലീസ് പിടിയില്‍
മണ്ണഞ്ചേരി പഞ്ചായത്ത് ഇരുപതാം വാര്‍ഡില്‍ താമസിക്കുന്ന ഇല്ലത്ത് വെളി വീട്ടില്‍ മഹേഷിനെ(23)യാണ് മണ്ണഞ്ചേരി പൊലീസ് അറസ്റ്റ് ചെയ്തത്. മണ്ണഞ്ചേരി തൃക്കോവില്‍ ക്ഷേത്രത്തിലെ ഉത്സവത്തിനിടെയാണ് സംഭവം നടന്നത്.
മദ്യപിച്ച് ഉത്സവ സ്ഥലത്തെത്തിയ മഹേഷ് പൊതുജനങ്ങള്‍ക്ക് ശല്യമുണ്ടാക്കുകയും ബഹളം വെയ്ക്കുകയും ചെയ്യുകയുണ്ടായി. രാത്രിയിലായിരുന്നു സംഭവം. ക്ഷേത്രഭാരവാഹികള്‍ വിവരം അറിയിച്ചതിനെ തുടര്‍ന്ന് സ്ഥലത്തെത്തിയ പൊലീസ് ഉദ്യോഗസ്ഥരെ ഇയാള്‍ അസഭ്യം പറയുകയും, ദേഹോപദ്രവം ഏല്‍പ്പിക്കുകയും, ഡ്യൂട്ടിക്ക് തടസ്സം വരുത്തുകയും ചെയ്തിട്ടുണ്ടായിരുന്നു.
തുടര്‍ന്ന് സ്ഥലത്തെത്തിയ മണ്ണഞ്ചേരി പൊലീസ് ഇന്‍സ്‌പെക്ടര്‍ മോഹിത് പി കെ യുടെ നേതൃത്വത്തില്‍ പ്രിന്‍സിപ്പല്‍ സബ് ഇന്‍സ്‌പെക്ടര്‍ കെ ആര്‍ ബിജു, പോലീസ് സബ്ബ് ഇന്‍സ്‌പെക്ടര്‍ പ്രിയലാല്‍, അസിസ്റ്റന്റ് സബ്ബ് ഇന്‍സ്‌പെക്ടര്‍ ബിനു, സിവില്‍ പൊലീസ് ഓഫീസര്‍ മനോജ് എന്നിവര്‍ ചേര്‍ന്ന് മഹേഷിനെ പിടികൂടുകയായിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡിലാക്കി.
https://www.facebook.com/Malayalivartha
