പഴയിടത്തെ അധിക്ഷേപിക്കുന്നത് ശരിയല്ല.... പഴയിടം മോഹനന്‍ നമ്പൂതി ഏറ്റവും ഭംഗിയായി തന്റെ ചുമതലകള്‍ നിറവേറ്റിയെന്ന് വിദ്യാഭ്യാസമന്ത്രി വി ശിവന്‍കുട്ടി
. ഇഷ്ടമുള്ള ഭക്ഷണം കഴിക്കാനുള്ള സ്വാതന്ത്ര്യം എല്ലാവര്‍ക്കുമുണ്ട്. വിപ്ലവകാരികളുടെ വേഷം അണിയുന്നവരാണ് വിമര്‍ശനം അഴിച്ചുവിടുന്നത്.

ഒന്നോ രണ്ടോ വ്യക്തികള്‍ക്ക് മാത്രമാണ് വിമര്‍ശനമുള്ളത്. കലോത്സവത്തില്‍ പങ്കെടുത്ത കുട്ടികള്‍ക്കാര്‍ക്കും പ്രശ്‌നങ്ങളില്ല. ഇക്കാര്യത്തില്‍ പഴയിടവുമായി ചര്‍ച്ച നടത്തേണ്ട ആവശ്യമില്ലെന്നും കൂട്ടിച്ചേര്‍ത്ത് വിദ്യാഭ്യാസമന്ത്രി.

വിവാദങ്ങള്‍ക്ക് പിന്നാലെ ഇനി കലോത്സവത്തിന് ഭക്ഷണമൊരുക്കാന്‍ താനില്ലെന്ന് പഴയിടം മോഹനന്‍ നമ്പൂതിരി പ്രതികരിച്ചിട്ടുണ്ടായിരുന്നു. കുട്ടികള്‍ക്ക് തയ്യാറാക്കുന്ന ഭക്ഷണത്തില്‍ പോലും വര്‍ഗീയതയുടെയും ജാതീയതയുടെയും വിഷവിത്തുകള്‍ വാരിയെറിയുന്നത് തന്നെ അസ്വസ്ഥനാക്കുന്നുണ്ടെന്നും, തനിക്ക് ഭയമുണ്ടെന്നും അദ്ദേഹം വ്യക്തമാക്കി.