ചെങ്കല്‍ കുടുംബാരോഗ്യ കേന്ദ്രത്തില്‍ ഡോക്ടര്‍മാര്‍ ആരും ഇല്ലാതിരുന്ന സംഭവത്തില്‍ അന്വേഷിച്ച് കുറ്റക്കാര്‍ക്കെതിരെ കര്‍ശന നടപടി സ്വീകരിക്കാന്‍ ആരോഗ്യ വകുപ്പ് മന്ത്രി വീണാ ജോര്‍ജ് ആരോഗ്യ വകുപ്പ് ഡയറക്ടര്‍ക്ക് മന്ത്രി നിര്‍ദേശം നല്‍കി.

ചെങ്കൽ കുടുംബാരോഗ്യ കേന്ദ്രത്തിൽ ഡോക്ടർമാർ കൂട്ട അവധിയെടുത്തതാണ് പ്രതിസന്ധി സൃഷ്ഠിച്ചത്. ഒപികൾ മുടങ്ങി. ഇതോടെ രോഗികൾ കഷ്ടത്തിലായി. മൂന്നു ഡോക്ടർമാർ ഒരുമിച്ച് അവധിയെടുത്തു . ഇതാണ് അവസ്ഥ ഗുരുതരമാക്കിയത്. പകരം സംവിധാനം ഏർപ്പെടുത്തിയിരുന്നില്ല. നാട്ടുകാരും ഡിവൈഎഫ്ഐ പ്രവർത്തകരും പ്രതിഷേധിച്ചു . ഇതോടെ ആരോഗ്യ വകുപ്പ് ഇടപെട്ടു.