കല്‍പ്പറ്റയില്‍ ഒരാഴ്ചയിലേറെയായി ജനങ്ങളെ ഭീതിയിലാഴ്ത്തിയ പുള്ളിപ്പുലി ഒടുവില്‍ വനംവകുപ്പിന്റെ കെണിയില്‍ കുടുങ്ങി. പെരുന്തട്ടയിലെ ജനവാസ കേന്ദ്രത്തില്‍ വളര്‍ത്തുമൃഗങ്ങളെ കൊന്ന് തിന്ന് സൈ്വര്യസഞ്ചാരം നടത്തുകയായിരുന്നു പുലി. ഞായറാഴ്ച വൈകീട്ടോടെയാണ് വനംവകുപ്പ് സ്ഥാപിച്ച കൂട്ടില്‍ കുടുങ്ങിയത്.

പെരുന്തട്ട എല്‍.പി. സ്‌കൂളിന് സമീപത്താണ് പുലി ഇറങ്ങിയിരുന്നത്. ഇതിനടുത്ത വീടുകളിലെ നിരവധി ആടുകളെ പുലി കൊന്നുതിന്നുകയും ചെയ്തു. പകല്‍ നേരത്തെ തേയിലത്തോട്ടത്തില്‍ മേയുകയായിരുന്ന ആടുകളെ തങ്ങളുടെ കണ്‍മുന്നില്‍വച്ച് പിടിച്ചതോടെയാണ് ജനങ്ങള്‍ ഭീതിയിലായത്. തേയിലത്തോട്ടത്തിലെ ജോലിക്കാര്‍ പകല്‍ ചെടികള്‍ക്കിടയില്‍ പുലി ഒളിച്ചിരിക്കുന്നത് കണ്ടിരുന്നു. ഇവര്‍ ബഹളം വച്ചതോടെ പുലി സമീപത്തെ കുറ്റിക്കാട്ടിലേയ്ക്ക് രക്ഷപ്പെടുകയാണ് ഉണ്ടായത്. ഇതിനെ തുടര്‍ന്നാണ് വനംവകുപ്പ് കൂടു സ്ഥാപിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha