ബസുകളില് പരസ്യങ്ങള് പതിക്കുന്നതുമായി ബന്ധപ്പെട്ട് പുതിയ സ്കീം കെ എസ് ആര് ടി സി സുപ്രീംകോടതിയില് സമര്പ്പിച്ചു... കോടതി നിര്ദ്ദേശപ്രകാരമായിരുന്നു പുതിയ സ്കീം സമര്പ്പിച്ചത്
ബസുകളില് പരസ്യങ്ങള് പതിക്കുന്നതുമായി ബന്ധപ്പെട്ട് പുതിയ സ്കീം കെ എസ് ആര് ടി സി സുപ്രീംകോടതിയില് സമര്പ്പിച്ചു. കോടതി നിര്ദ്ദേശപ്രകാരമായിരുന്നു പുതിയ സ്കീം സമര്പ്പിച്ചത്.
മറ്റ് വാഹനങ്ങളിലെ ഡ്രൈവര്മാരുടെയും, കാല്നട യാത്രക്കാരുടെയും ശ്രദ്ധ വ്യതിചലിപ്പിക്കുന്ന പരസ്യങ്ങള് ഇനി മുതല് ബസുകളില് പതിക്കില്ല, പരസ്യങ്ങള് പരിശോധിക്കുന്നതിനും അനുമതി നല്കുന്നതിനും എംഡിയുടെ അദ്ധ്യക്ഷതയില് സമിതി രൂപികരിക്കും,മോട്ടോര് വാഹന ചട്ടങ്ങള് പാലിച്ച് ബസുകളുടെ വശങ്ങളിലും, പിന്ഭാഗത്തും മാത്രമേ പരസ്യം പതിക്കുന്നുള്ളുവെന്ന് സമിതി ഉറപ്പ് വരുത്തും, പതിച്ച പരസ്യങ്ങള്ക്ക് എതിരായ പരാതി പരിശോധിക്കുന്നതിന് ഹൈക്കോടതിയില് നിന്ന് വിരമിച്ച ജഡ്ജിയുടെ അദ്ധ്യക്ഷതയില് സമിതിക്ക് രൂപം നല്കും എന്നിവയാണ് പുതിയ സ്കീമില് കെ എസ് ആര് ടി സി ഉള്പ്പെടുത്തിയിരിക്കുന്നതെന്നാണ് റിപ്പോര്ട്ടുകളുള്ളത്.
ബസുകളില് പരസ്യം പതിക്കുന്നതിനെതിരായ കേരള ഹൈക്കോടതി ഉത്തരവ് ചോദ്യം ചെയ്ത് കെ എസ് ആര് ടി സി നല്കിയ ഹര്ജി പരിഗണിക്കവെയാണ് പരസ്യങ്ങള് നല്കുന്നത് സംബന്ധിച്ച് പുതിയ സ്കീം നല്കാനായി സുപ്രീംകോടതി കെ എസ് ആര് ടി സിയോട് ആവശ്യപ്പെട്ടത്.
ബസുകളുടെ ഏതുഭാഗത്ത് പരസ്യം പതിക്കാമെന്നതുള്പ്പെടെയുള്ള കാര്യങ്ങള് ഇതില് വിശദീകരിക്കണമെന്നും ആവശ്യപ്പെട്ടിട്ടുണ്ടായിരുന്നു.
സ്കീമില് അന്തിമ തീരുമാനമുണ്ടാകുന്നതുവരെ പരസ്യം പതിക്കുന്നതിനെതിരായ ഹൈക്കോടതി ഉത്തരവില് നിന്ന് സംരക്ഷണം നല്കുമെന്നും സുപ്രീം കോടതി നേരത്തേ വ്യക്തമാക്കിയിരുന്നു.
പരസ്യം പതിക്കരുതെന്ന ഹൈക്കോടതി ഉത്തരവ് വന് വരുമാന നഷ്ടമാണ് ഉണ്ടാക്കിയത്. സുരക്ഷാമാനദണ്ഡങ്ങള് പാലിച്ചാണ് പരസ്യം സ്ഥാപിക്കുന്നത്.
"
https://www.facebook.com/Malayalivartha
