അഞ്ജുശ്രീയുടെ മരണത്തിൽ വലിയ വഴിത്തിരിവാണ് ഉണ്ടായിരിക്കുന്നത്. മരണകാരണം കുഴിമന്തിയിൽ നിന്നുള്ള ഭക്ഷ്യവിഷബാധയേറ്റല്ല എന്നും മറിച്ച് എലി വിഷം കഴിച്ചാണെന്നുമുള്ള വാർത്ത പുറത്തു വന്നതിന് പിന്നാലെ പ്രതികരണവുമായി രംഗത്ത് എത്തിയിരിക്കുകയാണ് അഞ്ജു പാർവതി.

ഫേസ്ബുക്ക് കുറിപ്പ് ഇങ്ങനെ;

ഈ കുട്ടിയുടെ മരണകാരണം കുഴിമന്തിയിൽ നിന്നുള്ള ഭക്ഷ്യവിഷബാധയേറ്റല്ല എന്നും മറിച്ച് എലി വിഷം കഴിച്ചാണെന്നുമുള്ള വാർത്ത പുറത്തു വന്നിരിക്കുന്നു. സത്യം ചെരുപ്പിട്ട് വരുമ്പോഴേക്കും നുണ ലോകം മുഴുവനും സഞ്ചരിച്ച് കഴിഞ്ഞിട്ടുണ്ടാകും എന്ന ചൊല്ല് ഒരിക്കൽ കൂടി ഇവിടെ അന്വർത്ഥമാകുന്നു. എന്നാൽ ഈ വിഷയത്തിന്മേൽ വൈകാരികമായി പ്രതികരിച്ച ആളുകളെ കുറ്റപ്പെടുത്തും മുമ്പ് അതിനു കാരണമായ ചില കാര്യങ്ങൾ എന്താണെന്നു നോക്കാം.

1. പ്രമുഖ മാധ്യമങ്ങളും ചാനലുകളും കാണിച്ച "വീണ്ടും ഭക്ഷൃവിഷബാധയേറ്റു മരണം " എന്ന ബ്രേയ്ക്കിങ്ങ് സ്ലോട്ട്!

2. കോട്ടയത്ത് രശ്മി രാജ് അൽ ഫാം കഴിച്ചു മരണപ്പെട്ട് ആറു ദിവസത്തിനുള്ളിൽ അടുത്ത മരണം എന്ന രീതിയിൽ വന്ന വാർത്തകൾ !

3. രശ്മി രാജിൻ്റെ മരണത്തെ തുടർന്ന് നടന്ന ഭക്ഷ്യ സുരക്ഷാ വകുപ്പിൻ്റെ റെയ്ഡും
വൃത്തിഹീനമായതിൻ്റെ പേരിൽ പ്രമുഖ ഭക്ഷണശാലകൾ അടപ്പിച്ചതും !

4. കുഴിമന്തിയെ പ്രതി ശ്രീ. ശ്രീരാമൻ ഇട്ട സർക്കാസ്റ്റിക് പോസ്റ്റിനു നേരിടേണ്ടി വന്ന സൈബർ ബുള്ളിയിങ്.

5. ഒന്നിലും ഇടപെടാതെ, ആർക്കും ശല്യമാവാതെ തൻ്റെ കർമ്മമേഖലയിൽ മികച്ചു നിന്ന ഒരാളെ വെറുതെ അനാവശ്യമായി വലിച്ചിഴച്ച്, അദ്ദേഹം വച്ചു വിളമ്പുന്ന ഭക്ഷണത്തിൽ ജാതീയത ചേർത്തിളക്കിയ ജീർണ്ണലിസ്റ്റ് ഭക്ഷ്യവിഷബാധയെ കുറിച്ച് ഒരു വാക്ക് മിണ്ടാതെ വന്നപ്പോഴുള്ള പ്രതിഷേധം. ശരിക്കും ഇവിടെ മേൽപ്പറഞ്ഞ ഘടകങ്ങൾ ഒത്തു വന്നപ്പോൾ അഞ്ജു ശ്രീയുടെ മരണം ചർച്ചാവിഷയമായി. അപ്പോൾ സ്വാഭാവികമായി " കുഴിമന്തി " വില്ലനായി. ഇതൊര്യ സ്വാഭാവിക റിഫ്ലക്സ് ആക്ഷനാണ്.

ഒന്നിലും ഇടപെടാതെ സഹിഷ്ണുതയോടെ കഴിയുന്ന ഭൂരിപക്ഷ സമൂഹത്തെ ലാക്കാക്കി അനാവശ്യമായി മതം വലിച്ചിട്ട്, ജാതീയത വിളമ്പി അവരുടെ വിശ്വാസത്തെയും സംസ്കാരത്തെയും എന്തിന് ഭക്ഷൃ സംസ്കാരത്തെ വരെ വലിച്ചിടുമ്പോൾ പ്രതികരണം സ്വാഭാവികം. ! മുട്ടനാടുകളെ തമ്മിലടിപ്പിച്ച് ചോര നുണയാൻ പാർത്തിരിക്കുന്ന ചെന്നായകളായ ഇടത് ലിബറലുകൾ നടത്തുന്ന ന്യൂനപക്ഷ പ്രീണനം ശരിക്കുമൊരു ട്രാപ്പാണ്. മനപൂർവ്വമൊരു വർഗ്ഗീയ ലഹള ഉണ്ടാക്കാനുള്ള റിലീജിയസ് ട്രാപ്പ്!