ശബരിമല തീര്ത്ഥാടകര് സഞ്ചരിച്ച വാഹനമിടിച്ച് കണ്ണൂര് നഗരത്തിലെ ആശുപത്രി ജീവനക്കാരന് ദാരുണാന്ത്യം...
ശബരിമല തീര്ത്ഥാടകര് സഞ്ചരിച്ച വാഹനമിടിച്ച് കണ്ണൂര് നഗരത്തിലെ ആശുപത്രി ജീവനക്കാരന് ദാരുണാന്ത്യം. താണ സ്പെഷ്യാലിറ്റി ആശുപത്രിയില് ജോലി ചെയ്യുന്ന ചാല ചൂളക്കോളനിയിലെ പുത്തന്പുരയില് പി പി ചന്ദ്രനാണ് (74 ) മരിച്ചത്.
പഴയകാല കമ്മ്യുണിസ്റ്റ് പാര്ട്ടി പ്രവര്ത്തകനും പാര്ട്ടി വളണ്ടീയറുമായിരുന്നു. നഗരത്തിലെ താണയില് ഇന്നലെ പുലര്ച്ചെയാണ് അപകടം നടന്നത്.
ഇന്നലെ അഞ്ചര മണിയോടെ ആശുപത്രിക്ക് മുന്പില് വെച്ച് തന്നെയാണ് അപകടമുണ്ടായത്. തൊട്ടടുത്ത മില്മാ ബൂത്തില് ചായ കുടിക്കാനായി റോഡു മുറിച്ചു കടക്കാന് പുറത്തേക്കിറങ്ങവെയാണ് വാഹനമിടിച്ചത്.
ചന്ദ്രന്റോഡില് വീഴുന്നത് ആശുപത്രി സെക്യൂരിറ്റി ജീവനക്കാരന് കാണുകയും അദ്ദേഹം ഓടിയെത്തി സ്പെഷ്യാലിറ്റി ആശുപത്രിയിലെത്തിച്ചുവെങ്കിലും രക്ഷിക്കാനായില്ല. അപകടത്തിനുശേഷം നിര്ത്താതെ പോയ വാഹനം വളപട്ടണത്ത് വെച്ച് പൊലീസ് പിടികൂടി.
. മൃതദേഹം കണ്ണൂര് ജില്ലാ ആശുപത്രി മോര്ച്ചറിയിലേക്ക് മാറ്റി. കേസെടുത്ത് കണ്ണൂര് ടൗണ് പൊലീസ് .
https://www.facebook.com/Malayalivartha
