കേരളത്തില് നിന്നെത്തിയ കുട്ടികള്ക്ക് ആവശ്യമായ സൗകര്യം എന്തു കൊണ്ട് ഒരുക്കിയില്ല... സൈക്കിള് പോളോ താരം ഫാത്തിമ നിദയുടെ മരണത്തില് ശക്തമായ ഇടപെടലുമായി ഹൈക്കോടതി.... ജനുവരി 23ന് കേസ് വീണ്ടും പരിഗണിക്കും
കേരളത്തില് നിന്നെത്തിയ കുട്ടികള്ക്ക് ആവശ്യമായ സൗകര്യം എന്തു കൊണ്ട് ഒരുക്കിയില്ല... സൈക്കിള് പോളോ താരം ഫാത്തിമ നിദയുടെ മരണത്തില് ശക്തമായ ഇടപെടലുമായി ഹൈക്കോടതി....
മറ്റ് സംസ്ഥാനങ്ങളില് നിന്ന് വരുന്ന കുട്ടികള്ക്ക് ഭക്ഷണവും താമസവും ഒരുക്കിയെങ്കില് എന്തു കൊണ്ട് കേരളത്തില് നിന്നെത്തിയ കുട്ടികള്ക്ക് ആവശ്യമായ സൗകര്യം ഒരുക്കിയില്ലെന്ന് ഹൈകോടതി ചോദിച്ചു. കോടതിയില് നേരിട്ടു ഹാജരായ സൈക്കിള് പോളോ ഫെഡറേഷന് ദേശീയ സെക്രട്ടറിയോടാണ് ഇക്കാര്യം ആരാഞ്ഞത്.
ഫാത്തിമ അടക്കമുള്ള സംഘത്തിന് വെള്ളവും ഭക്ഷണവും താമസസൗകര്യവും ഒരുക്കിയിരുന്നുവെന്നും താമസസൗകര്യം സംഘം നിരസിച്ചെന്നും സെക്രട്ടറി കോടതിയെ അറിയിച്ചു.
ഫാത്തിമ നിദയുടെ മരണവുമായി ബന്ധപ്പെട്ട കോടതിയലക്ഷ്യ കേസ് നേരത്തെ പരിഗണിക്കവെയാണ് ഫെഡറേഷന് സെക്രട്ടറിയോട് നേരിട്ട് ഹാജരാകാനായി ഹൈക്കോടതി ഉത്തരവിട്ടത്. അതേസമയം, സൈക്കിള് പോളോ ഫെഡറേഷന്റെ വിശദീകരണത്തെ സൈക്കിള് പോളോ കേരള അസോസിയേഷന് എതിര്ത്തു. ഒരു തരത്തിലുമുള്ള സൗകര്യങ്ങളും ഫെഡറേഷന് ഒരുക്കിയില്ലെന്ന് അസോസിയേഷന് വ്യക്തമാക്കി.
ഹര്ജിയില് വിശദമായി സത്യവാങ്മൂലം ഈ മാസം 16ന് സമര്പ്പിക്കാനായി ഫെഡറേഷന് ഹൈക്കോടതി നിര്ദേശം നല്കി. ജനുവരി 23ന് കേസ് വീണ്ടും പരിഗണിക്കും.
https://www.facebook.com/Malayalivartha
