യുവതിയെ വീട്ടിനുള്ളില് മരിച്ചനിലയില് കണ്ടെത്തിയ സംഭവത്തില് അമ്മയ്ക്കെതിരെ പരാതി നല്കി നാട്ടുകാര്
12 JANUARY 2023 09:33 PM IST
മലയാളി വാര്ത്ത
സുജ മകളെ അമ്മ നിരന്തരം പീഡിപ്പിച്ചിരുന്നെന്നും ഇവരുടെ ശാരീരിക മാനസിക പീഡനം കാരണമാണ് ആശ ആത്മഹത്യ ചെയ്തത് എന്നുംനാട്ടുകാര് നല്കിയ പരാതിയില് പറയുന്നു. സുജയുടെ ആദ്യ വിവാഹത്തിലുള്ള കുട്ടിയാണ് മരണപ്പെട്ട ആശ. രണ്ടാം വിവാഹത്തില് ഇവര്ക്ക് മറ്റ് രണ്ട് കുട്ടികളുമുണ്ട്.സുജയുടെ രണ്ടാം വിവാഹത്തില് കുട്ടികളുണ്ടായപ്പോള് അവരെ നോക്കിയിരുന്നത് ആശയായിരുന്നു.
എന്നാല് രണ്ടാം വിവാഹശേഷം ആശയോട് അമ്മ സ്നേഹത്തില് പെരുമാറുകയോ സംസാരിക്കുകയോ ചെയ്തിരുന്നില്ല. സംഭവം നടന്ന ദിവസം രാവിലെയും ആശയെ അമ്മ മര്ദ്ദിച്ചതായി സഹോദരന് പറയുന്നു. തൊഴിലുറപ്പ് സ്ഥലത്ത് വച്ച് പോലും ആശയെ സുജ മര്ദ്ദിക്കാറുണ്ടായിരുന്നുവെന്നും നാട്ടുകാര് പരാതിയില് പറയുന്നു.
ആശയ്ക്ക് മാനസികരോഗമുണ്ടെന്ന് പറഞ്ഞ് കേസ് ആത്മഹത്യയാക്കി മാറ്റാനും സുജ ശ്രമിച്ചതായും നാട്ടുകാര് ആരോപിക്കുന്നു. ആശയുടേത് ആത്മഹത്യയെന്ന രീതിയിലേക്ക് മാത്രം പോലീസ് അന്വേഷണം ചുരുങ്ങരുതെന്നും അമ്മയായ സുജയ്ക്ക് മരണത്തിലുള്ള പങ്ക് അന്വേഷിക്കണമെന്നും നാട്ടുകാര് പോലീസിന് നല്കിയ പരാതിയില് ആവശ്യപ്പെട്ടു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
