കെഎസ്ആര്‍ടിസിക്ക് 121 കോടി അനുവദിച്ച് ധനവകുപ്പ്.... ജീവനക്കാരുടെ ശമ്പളത്തിന് 50കോടിയും പെന്‍ഷന്‍ നല്‍കിയ വകയില്‍ സഹകരണ ബാങ്കുകളുടെ കണ്‍സോര്‍ഷ്യത്തിന് 71കോടിയും ഉള്‍പ്പെടെയാണ് 121കോടി രൂപ അനുവദിച്ചിരിക്കുന്നത്. വിരമിച്ചവര്‍ക്കുള്ള ആനുകൂല്യങ്ങള്‍ വിതരണം ചെയ്യാന്‍ രണ്ട് വര്‍ഷത്തെ സാവകാശം വേണമെന്ന് കെഎസ്ആര്‍ടിസി ആവശ്യപ്പെട്ടു.


83.1 കോടി രൂപയാണ് ആനുകൂല്യങ്ങള്‍ വിതരണം ചെയ്യാന്‍ ആവശ്യം. സര്‍ക്കാര്‍ സഹായമില്ലാതെ ഇത്രയും തുക നല്‍കാന്‍ നിലവില്‍ കെഎസ്ആര്‍ടിസിക്ക് ശേഷിയില്ല. ഓരോ മാസവും 3.46 കോടി രൂപ വീതം മുന്‍ഗണനാക്രമത്തില്‍ ആനുകൂല്യങ്ങള്‍ കൊടുത്തു തീര്‍ക്കാമെന്ന് കെഎസ്ആര്‍ടിസി .

2021 ഏപ്രില്‍ മുതല്‍ ഇതുവരെ വിരമിച്ച 1757 ജീവനക്കാരില്‍ 1073 പേര്‍ക്ക് ഇനിയും ആനുകൂല്യങ്ങള്‍ കൊടുത്തു തീര്‍ക്കാന്‍ ഉണ്ടെന്നും വ്യക്തമാക്കി കെഎസ്ആര്‍ടിസി .