കാമുകനായിരുന്ന ഷാരോണിനെ ഒഴിവാക്കാന് ഒന്നാം പ്രതിയായ ഗ്രീഷ്മ കഷായത്തില് വിഷം ചേര്ത്തുനല്കി കൊലപ്പെടുത്തിയെന്ന് കുറ്റപത്രം... പാറശാല സ്വദേശി ഷാരോണ് രാജിനെ കഷായത്തില് വിഷം ചേര്ത്തു കൊലപ്പെടുത്തിയ കേസില് കുറ്റപത്രം പൊലീസ് ഇന്ന് സമര്പ്പിക്കും..
കാമുകനായിരുന്ന ഷാരോണിനെ ഒഴിവാക്കാന് ഒന്നാം പ്രതിയായ ഗ്രീഷ്മ കഷായത്തില് വിഷം ചേര്ത്തുനല്കി കൊലപ്പെടുത്തിയെന്നാണ് കുറ്റപത്രം... പാറശാല സ്വദേശി ഷാരോണ് രാജിനെ കഷായത്തില് വിഷം ചേര്ത്തു കൊലപ്പെടുത്തിയ കേസില് കുറ്റപത്രം പൊലീസ് ഇന്ന് സമര്പ്പിക്കും..
പാറശാല സ്വദേശി ഷാരോണ് രാജിനെ കഷായത്തില് വിഷം ചേര്ത്തു കൊലപ്പെടുത്തിയ കേസില് പൊലീസ് ഇന്ന് കുറ്റപത്രം സമര്പ്പിക്കും. കാമുകനായിരുന്ന ഷാരോണിനെ ഒഴിവാക്കാന് ഒന്നാം പ്രതിയായ ഗ്രീഷ്മ കഷായത്തില് വിഷം ചേര്ത്തുനല്കി കൊലപ്പെടുത്തിയെന്നാണ് കുറ്റപത്രത്തില് വ്യക്തമാക്കുന്നത്.
അതേസമയം പത്ത് മാസം നീണ്ട പദ്ധതിക്കു ശേഷമാണ് ഷാരോണിനെ ഗ്രീഷ്മ കൊലപ്പെടുത്തിയതെന്ന് പൊലീസ് കുറ്റപ്പെടുത്തുന്നു.
നാഗര്കോവിലിലെ സൈനികനുമായി വിവാഹം ഉറപ്പിച്ചിട്ടും പ്രണയത്തില് നിന്ന് ഷാരോണ് പിന്മാറാതെ വന്നതോടെയാണ് വധിക്കാന് ഗ്രീഷ്മ ശ്രമം തുടങ്ങിയത്.
നെയ്യൂര് ക്രിസ്റ്റ്യന് കോളേജില് വച്ചായിരുന്നു ആദ്യ വധശ്രമം. കടയില് നിന്ന് വാങ്ങിയ മാങ്ങാ ജ്യൂസ് കുപ്പിയില് 50 ഡോളോ ഗുളികകള് പൊടിച്ച് കലര്ത്തി ഷാരോണിന് കുടിയ്ക്കാന് നല്കി. കയ്പ് കാരണം ജ്യൂസ് തുപ്പിക്കളഞ്ഞതുകൊണ്ട് ഷാരോണ് രക്ഷപ്പെട്ടു.
ക്രിസ്റ്റ്യന് കോളേജിനോട് ചേര്ന്നുള്ള ആശുപത്രിയിലെ ശുചിമുറിയില് വച്ചാണ് ജ്യൂസ് നല്കിയത്. കുഴിത്തുറ പഴയ പാലത്തില് വച്ച് ജ്യൂസ് ചലഞ്ച് എന്ന പേരിലും ഗുളിക കലര്ത്തിയ മാങ്ങാ ജ്യൂസ് നല്കി വധിക്കാന് ശ്രമമുണ്ടായി. പാലത്തിലും ഗ്രീഷ്മയെ എത്തിച്ച് തെളിവെടുപ്പുണ്ടായി. ഇത് രണ്ടും പരാജയപ്പെട്ടതോടെയാണ് കളനാശിനി കലര്ത്തിയ കഷായം നല്കി ഷാരോണിനെ വകവരുത്തി.
തൃപ്പരപ്പില് ജൂണ് ജൂലൈ മാസങ്ങളില് ഗ്രീഷ്മയും ഷാരോണും ഒരുമിച്ച് താമസിച്ച ഹോം സ്റ്റേയിലും തെളിവെടുപ്പ് നടത്തി. ആകാശവാണിയില് നടത്തിയ ശബ്ദപരിശോധനാ റിപ്പോര്ട്ടു കൂടി ശേഖരിച്ച് കേസ് ശാസ്ത്രീയമായി തെളിയിക്കാനാണ് അന്വേഷസംഘത്തിന്റെ നീക്കം. അതേസമയം പാറശാല ഷാരോണ് കൊലപാതക്കേസിലെ പ്രതി ഗ്രീഷ്മ മൊഴിമാറ്റി. കുറ്റസമ്മതം നടത്തിയത് പൊലീസ് നിര്ബന്ധിച്ചിട്ടെന്ന് ഗ്രീഷ്മ കോടതിയില് പറഞ്ഞു.
നെയ്യാറ്റിന്കര ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയിലാണ് ഗ്രീഷ്മ രഹസ്യ മൊഴി നല്കിയത് . ഷാരോണിനെ കൊലപ്പെടുത്തിയെന്ന് നേരത്തെ ഗ്രീഷ്മ കുറ്റസമ്മതം നടത്തിയിരുന്നു.ഗ്രീഷ്മയുടെ അമ്മ സിന്ധുവിന്റെയും അമ്മാവന് നിര്മല്കുമാറിന്റെയും ജാമ്യാപേക്ഷ കഴിഞ്ഞദിവസം കോടതി തള്ളിയിരുന്നു. അന്വേഷണം നടക്കുന്ന ഘട്ടത്തില് ജാമ്യം നല്കാനാവില്ലെന്ന് കോടതി പറഞ്ഞു. പ്രതികള് കുറ്റം ചെയ്തതിന് തെളിവുണ്ടെന്നും അന്വേഷണം അന്തിമഘട്ടത്തില് ആയതിനാല് പ്രതികള്ക്ക് ജാമ്യം നല്കരുതെന്നുമാണ് പ്രോസിക്യൂഷനും വാദിച്ചിരുന്നത്.എന്നാല് കൊലപാതകത്തില് പങ്കില്ലെന്നും ഗ്രീഷ്മയും ഷാരോണും തമ്മിലുള്ള സൗഹൃദത്തെക്കുറിച്ച് അറിയില്ലെന്നുമാണ് പ്രതികള് ജാമ്യാപേക്ഷയില് പറഞ്ഞത്.
ഗ്രീഷ്മയുടെ അമ്മക്കും അമ്മാവനും കൊലപാതകത്തില് പങ്കുണ്ടെന്നായിരുന്നു പൊലീസിന്റെ കണ്ടെത്തല്. ഗ്രീഷ്മയും അമ്മയും ദിവസങ്ങളെടുത്ത്ആസൂത്രിതമായി നടത്തിയതാണ് കൊലപാതകമെന്നാണ് ഷാരോണ് രാജിന്റെ കുടുംബത്തിന്റെ ആരോപണം.
ഒക്ടോബര് 14ന് വീട്ടില് വിളിച്ചുവരുത്തി കഷായത്തില് കീടനാശിനി കലര്ത്തിയാണ് ഗ്രീഷ്മ ഷാരോണിന് നല്കിയത്. തുടര്ന്ന് കടുത്ത ഛര്ദിയെ തുടര്ന്ന് ആശുപത്രിയില് പ്രവേശിപ്പിക്കപ്പെട്ട ഷാരോണ് വൃക്കയുള്പ്പെടെയുള്ള ആന്തരികാവയവങ്ങള് ദ്രവിച്ച് 25നാണ് മരിക്കുന്നത്. ക്രൈംബ്രാഞ്ച് സംഘം നടത്തിയ ചോദ്യം ചെയ്യലിലാണ്, ഷാരോണിനെ കഷായത്തില് വിഷം ചേര്ത്തുനല്കി കൊന്നതാണെന്ന് ഗ്രീഷ്മ കുറ്റസമ്മതം നടത്തിയത്.
" f
https://www.facebook.com/Malayalivartha
