റിപ്പബ്ലിക് ദിനത്തോടനുബന്ധിച്ച് ഗവര്ണര് ആരിഫ് മുഹമ്മദ് ഖാന് സംഘടിപ്പിക്കുന്ന വിരുന്നില് മുഖ്യമന്ത്രി പിണറായി വിജയന് പങ്കെടുക്കും. അറ്റ് ഹോം എന്ന പേരിലുള്ള സല്ക്കാരം ഇന്ന് വൈകുന്നേരം
റിപ്പബ്ലിക് ദിനത്തോടനുബന്ധിച്ച് ഗവര്ണര് ആരിഫ് മുഹമ്മദ് ഖാന് സംഘടിപ്പിക്കുന്ന വിരുന്നില് മുഖ്യമന്ത്രി പിണറായി വിജയന് പങ്കെടുക്കും. അറ്റ് ഹോം എന്ന പേരിലുള്ള സല്ക്കാരം വ്യാഴാഴ്ച വൈകീട്ടാണ്. നേരത്തേ ഗവര്ണര് വിളിച്ച ക്രിസ്മസ് വിരുന്നില് നിന്ന് മുഖ്യമന്ത്രിയും മന്ത്രിമാരും വിട്ടുനിന്നിരുന്നു. ഗവര്ണറും സര്ക്കാറും തമ്മിലെ ബന്ധം വഷളായ സാഹചര്യത്തിലായിരുന്നു അത്.
എന്നാല് സമീപ കാലത്ത് ഗവര്ണറും സര്ക്കാറുമായുള്ള ബന്ധം മെച്ചപ്പെട്ടിട്ടുണ്ട്. കഴിഞ്ഞ നിയമസഭ സമ്മേളന തുടര്ച്ചയായി ബജറ്റ് അവതരിപ്പിക്കാന് സര്ക്കാര് ആദ്യം ആലോചിച്ചിരുന്നു.
പിന്നീട്, അത് മാറ്റുകയും നയപ്രഖ്യാപനത്തോടെ പുതിയ സമ്മേളനം ആരംഭിക്കുകയും ചെയ്തു. സര്ക്കാര് തയ്യാറാക്കിയ പ്രസംഗം അതേപടി ഗവര്ണര് വായിക്കുകയും ചെയ്തു. 2020 ല് ആണ് അവസാനമായി അറ്റ് ഹോം നടന്നത്.
അതേസമയം പതിനഞ്ചാം കേരള നിയമസഭയുടെ എട്ടാം സമ്മേളനത്തിലെ ഗവര്ണറുടെ നയപ്രഖ്യാപന പ്രസംഗം വലിയ ചര്ച്ചയായിരുന്നു. സംസ്ഥാനത്തിന്റെ നേട്ടങ്ങള് വിവരിച്ചാണ് ഗവര്ണറുടെ നയപ്രഖ്യാപന പ്രസംഗം തുടങ്ങിയത് . പ്രസംഗത്തിലെ കേന്ദ്രവിമര്ശനവും ഗവര്ണര്ക്ക് എതിരായ പരോക്ഷ വിമര്ശനവും വായിച്ചു. സാമ്പത്തിക വളര്ച്ച, സാമൂഹിക ശാക്തീകരണം, അടിസ്ഥാന വിഭാഗങ്ങളുടെ ക്ഷേമം എന്നീ വിഷയങ്ങളിലെ കേരളത്തിന്റെ വളര്ച്ചയെ ഗവര്ണര് പുകഴ്ത്തുകയും ചെയ്തു.
അഭിമാനകരമായ സാമ്പത്തിക വളര്ച്ച സംസ്ഥാനം നേടിയെന്നും സുസ്ഥിര വികസനത്തില് കേരളം മുന്നിലാണെന്നും ഗവര്ണര് . സാമൂഹിക ശാക്തീകരണത്തില് സംസ്ഥാനം മാതൃകയാണ്.
അതിദാരിദ്രം ഒഴിവാക്കാനായി സംസ്ഥാനം ശ്രദ്ധേയ പരിശ്രമം നടത്തുന്നു. സര്ക്കാര് ലക്ഷ്യമിടുന്നത് അടിസ്ഥാന വിഭാഗങ്ങളുടെ ക്ഷേമത്തില് ഊന്നിയ വികസനത്തിനാണ്. തൊഴില് ഉറപ്പാക്കുന്നതില് രാജ്യത്ത് കേരളം മൂന്നാം സ്ഥാനത്താണെന്നും ഗവര്ണര് പറഞ്ഞു. വേര്തിരിവില്ലാത്ത സംസ്ഥാനമായി കേരളത്തിന് നിലനില്ക്കാന് കഴിയുന്നുണ്ട്. നാനാത്വം അംഗീകരിച്ച് തന്നെയാണ് സംസ്ഥാനം മുന്നോട്ട് പോകുന്നതെന്നും ഗവര്ണര് പറഞ്ഞു.
"
https://www.facebook.com/Malayalivartha
