മയക്കുമരുന്ന് ഉപയോഗിച്ച് വാഹനമോടിക്കുന്നവരുടെ ലൈസന്സ് റദ്ദാക്കാന് കര്ശന നടപടിയെടുക്കണമെന്ന് മുഖ്യമന്ത്രി
മയക്കുമരുന്ന് ഉപയോഗിച്ച് വാഹനമോടിക്കുന്നവരുടെ ലൈസന്സ് റദ്ദാക്കാന് കര്ശന നടപടിയെടുക്കണമെന്ന് മുഖ്യമന്ത്രി. മയക്കുമരുന്ന് ഉപയോഗം കണ്ടെത്താനായി തയ്യാറാക്കിയ പ്രത്യേക വാഹനങ്ങളുടെ സൗകര്യം ഇതിനായി പ്രയോജനപ്പെടുത്തണമെന്ന് റോഡ് സുരക്ഷയുമായി ബന്ധപ്പെട്ട ഉന്നതതല യോഗത്തില് മുഖ്യമന്ത്രി പറഞ്ഞു.
ഹൈവേ പട്രോളിംഗ് ശക്തിപ്പെടുത്തുകയും ഹോട്ട് സ്പോട്ടുകളില് പൊലീസ് സാന്നിദ്ധ്യം ഉറപ്പാക്കുകയും വേണം. നിശ്ചിത കാലയളവില് പൊലീസും മോട്ടോര് വാഹന വകുപ്പും സംയുക്ത പരിശോധന നടത്തേണ്ടതാണ്.
റോഡ് സുരക്ഷയ്ക്ക് മുഖ്യപരിഗണന നല്കി ട്രാഫിക് എന്ജിനിയറിംഗ് ഡിസൈന്സ് വികസിപ്പിക്കണം. തദ്ദേശ സ്ഥാപനങ്ങള് വഴിവിളക്കുകള് സ്ഥാപിക്കണം. ഹയര് സെക്കന്ഡറി സിലബസില് റോഡ് സുരക്ഷ ഉള്പ്പെടുത്താന് നിര്ദ്ദേശം നല്കിയിട്ടുണ്ട്. ചരക്ക് വാഹനങ്ങളുടെ അമിതഭാരം നിയന്ത്രിക്കാന് വകുപ്പുകളുടെ ഏകോപിത ഇടപെടല് വേണം. ഏറ്റവും പുതിയ റിയല് ടൈം ആക്സിഡന്റ് ഡാറ്റ നാറ്റ്പാക് ലഭ്യമാക്കണം.കോമ്പൗണ്ടബിള് ഒഫന്സസ് പട്ടികയില് പുതുതായി ഉള്പ്പെടുത്തേണ്ട കുറ്റകൃത്യങ്ങള് ഉള്ക്കൊള്ളിക്കാന് മോട്ടോര് വെഹിക്കിള് ആക്ട് ഭേദഗതി ചെയ്യേണ്ടതുണ്ടെങ്കില് നടപടികള് കൈക്കൊള്ളുകയും വേണം.
റോഡ് സുരക്ഷ പ്രചാരണ പ്രവര്ത്തനങ്ങള് ഊര്ജിതമാക്കണം. സ്കൂള് കുട്ടികളുടെ വിനോദ സഞ്ചാരത്തിന് തയ്യാറാക്കിയ മാര്ഗരേഖ കൃത്യമായി പാലിക്കണം.മറ്റ് നിര്ദ്ദേശങ്ങള്ബൈക്ക് സ്റ്റണ്ട് തടയുന്നതിന് സൈബര് പെട്രോളിംഗ് കര്ശനമാക്കണം. കുറ്റകൃത്യം ആവര്ത്തിക്കുന്നവരുടെ ലൈസന്സ് റദ്ദാക്കേണ്ടതാണ്. വേഗപ്പൂട്ട് പരിശോധന കര്ശനമാക്കണം. നമ്പര് പ്ലേറ്റ് തിരിച്ചറിയാന് ഓട്ടോമാറ്റിക് നമ്പര്പ്ലേറ്റ് റെക്കഗ്നഷന് കാമറകള് ഇ ചെലാന് സംവിധാനവുമായി ബന്ധിപ്പിക്കുകയും വേണം.
ഹെവി വെഹിക്കിളുകളില് ഡാഷ് ബോര്ഡ് കാമറ സ്ഥാപിക്കുന്നത് സംബന്ധിച്ച് വിശദ പഠനം നടത്തി റിപ്പോര്ട്ട് സമര്പ്പിക്കണം. കാല്നട യാത്രക്കാര് അപകടത്തില്പ്പെടുന്നത് ഒഴിവാക്കാന് ആവശ്യമായ രൂപരേഖ തയ്യാറാക്കുകയും വേണം.
"
https://www.facebook.com/Malayalivartha
