ചവറയിൽ തെ​രു​വുനാ​യ ആ​ക്ര​മ​ണം. തെ​രു​വുനാ​യ ആ​ക്ര​മ​ണ​ത്തിൽ ര​ണ്ട് പേ​ർ​ക്ക് ക​ടി​യേ​റ്റു. ച​വ​റ പ​ട്ട​ത്താ​നം, ഭ​ര​ണി​ക്കാ​വ് എ​ന്നി​വി​ട​ങ്ങ​ളി​ലാ​ണ് തെ​രു​വുനാ​യ ആ​ക്ര​മ​ണം ഉ​ണ്ടാ​യ​ത്. ആ​ടു​ക​ളെ ക​ടി​ച്ച് കൊ​ന്ന നാ​യ്ക്ക​ൾ പ​ശു​വി​നേ​യും ക​ടി​ച്ചു. ച​വ​റയിലെ പ​ട്ട​ത്താ​നം മു​ള്ളി​യി​ൽ വീ​ട്ടി​ൽ ര​ഘു, ക​റ​വ​ക്കാ​ര​ൻ രാ​ധാ​കൃ​ഷ​ണ​ൻ എ​ന്നി​വ​ർ​ക്കും, ജാ​സ്മി​ൻ മ​ന്ദി​ര​ത്തി​ൽ ലീ​ല​യു​ടെ പ​ശു​വി​നു​മാ​ണ് ക​ടി​യേ​റ്റ​ത്.

അതേസമയം ആക്രമണത്തിൽ മു​ഖ​ത്ത് ഉ​ൾ​പ്പെ​ടെ ക​ടി​യേ​റ്റ ര​ഘു​വി​നെ ആദ്യം ച​വ​റ സാ​മൂ​ഹി​ക ആ​രോ​ഗ്യ കേ​ന്ദ്ര​ത്തി​ലും പിന്നീട് ജി​ല്ലാ ആ​ശു​പ​ത്രി​യിലും പ്രവേശിപ്പിച്ചു. കൂടാതെ പ​ല്ലും ന​ഖ​വും കൊ​ണ്ട് മു​റി​വേ​റ്റ രാ​ധാ​കൃ​ഷ്ണ​ൻ പേ​വി​ഷ​ബാ​ധ​യ്ക്കെ​തി​രെ കു​ത്തി​വെ​യ്പ് എ​ടു​ത്തു. തുടർന്ന് പ​ശു​വി​നെ വെ​റ്റ​റി​ന​റി ഡോ​ക്ട​ർ പ​രി​ശോ​ധി​ച്ച് വാ​ക്സി​ൻ ന​ൽ​കി.

ഇന്നലെ രാ​ത്രി നാ​യ്ക്ക​ൾ ച​വ​റ ഭ​ര​ണി​ക്കാ​വ് പ്ലാ​വി​ള പ​ടി​ഞ്ഞാ​റ്റ​തി​ൽ അ​ബ്ദു​ൽ ക​രീ​മി​ന്‍റെ ആ​റ് ആ​ടു​ക​ളെ​യാ​ണ് ക​ടി​ച്ചു കൊ​ന്ന​ത്. മാത്രമല്ല തെ​രു​വ് നാ​യ​ക​ൾ കൂ​ട്ട​മാ​യി എ​ത്തി തൊ​ഴു​ത്ത് പൊ​ളി​ച്ച് ര​ണ്ട് വ​ലി​യ ആ​ടു​ക​ളെ​യും നാ​ല് ചെ​റി​യ ആ​ടു​ക​ളെ​യും ആ​ക്ര​മി​ക്കു​ക​യാ​യി​രു​ന്നു. പ്ര​ദേ​ശ​ത്ത് തെ​രു​വ് നാ​യ ശ​ല്യം രൂ​ക്ഷ​മാ​ണ​ന്ന് നാ​ട്ടു​കാ​ർ പ​റ​ഞ്ഞു.