രക്ഷപ്പെട്ടത് തലനാരിഴയ്ക്ക് .... കോട്ടയം ചിങ്ങവനത്ത് റോഡ് മുറിച്ചുകടക്കവേ കെ.എസ്.ആര്.ടി.സി. ബസിടിച്ച് ചക്രത്തിന്റെ അടിയിലേക്ക് വീണ വീട്ടമ്മ രക്ഷപ്പെട്ടത് അത്ഭുതകരമായി
കോട്ടയം ചിങ്ങവനത്ത് റോഡ് മുറിച്ചുകടക്കവേ കെ.എസ്.ആര്.ടി.സി. ബസിടിച്ച് ചക്രത്തിന്റെ അടിയിലേക്ക് വീണ വീട്ടമ്മ രക്ഷപ്പെട്ടത് അത്ഭുതകരമായി.....
ഇളംകാവ് മലകുന്നം സ്കൂള് ബസിലെ ആയ, കുറിച്ചി സചിവോത്തമപുരം കേശവീയം വീട്ടില് അജിത്ത് കുമാറിന്റെ ഭാര്യ അമ്പിളി(36) ആണ് അപകടത്തില്പ്പെട്ടത്. അമ്പിളിയുടെ തലമുടിയിലാണ് ബസിന്റെ മുന്ചക്രം നിന്നത്. അപകടം കണ്ട് ഓടിയെത്തിയ നാട്ടുകാര് അമ്പിളിയുടെ മുടി മുറിച്ചുമാറ്റി രക്ഷിച്ചു.
ഇന്നലെ വൈകുന്നേരം അഞ്ചിന് ചിങ്ങവനം പുത്തന്പാലത്തായിരുന്നു അപകടം നടന്നത്. സ്കൂള്ബസിലെ കുട്ടികളെ ഇറക്കി റോഡ് കടത്തിവിട്ട ശേഷം തിരിച്ചുവരാനായി റോഡ് മുറിച്ചുകടക്കവേ അമ്പിളിയെ അടൂര് നിന്ന് കോതമംഗലത്തേക്ക് പോകുകയായിരുന്ന സൂപ്പര് ഫാസ്റ്റ് ബസ് ഇടിച്ചു.
ബസിനടിയിലേക്ക് വീണ അമ്പിളിയുടെ തലമുടിയുടെ മുകളിലാണ് ഇടതുഭാഗത്തെ ചക്രം നിന്നത്. തലനാരിഴ മാറിയിരുന്നെങ്കില് ജീവന്തന്നെ നഷ്ടമായേനെ.
സംഭവം കണ്ട് ഓടിയെത്തിയ നാട്ടുകാര് കത്തി ഉപയോഗിച്ച് മുടി മുറിച്ചുമാറ്റി യുവതിയെ പുറത്തെത്തിച്ചു. തലയ്ക്ക് പരിക്കേറ്റ അമ്പിളിയെ ഉടന് തന്നെ ചങ്ങനാശ്ശേരി താലൂക്ക് ആശുപത്രിയില് പ്രവേശിപ്പിച്ച് പ്രാഥമിക ചികിത്സ നല്കിയശേഷം ഡിസ്ചാര്ജാക്കി.
"
https://www.facebook.com/Malayalivartha
