സംസ്ഥാന സ്കൂള് കായികമേള: ദീപശിഖ കോഴിക്കോട് ഇന്നെത്തും; കായികമേളക്ക് നാളെ തുടക്കം
സംസ്ഥാന സ്കൂള് കായികമേളയുടെ വിളംബരമറിയിച്ച് തിരുവനന്തപുരത്തുനിന്ന് പുറപ്പെട്ട ദീപശിഖ വെള്ളിയാഴ്ച കോഴിക്കോട്ടെത്തും. സംസ്ഥാന സ്കൂള് കായികമേളയുടെ ദീപശിഖാപ്രയാണം തിരുവനന്തപുരം കോട്ടണ്ഹില് സ്കൂളില്നിന്ന് ആരംഭിച്ചു. രഞ്ജിത്ത് മഹേശ്വരി ദീപനാളം തെളിച്ചു.
ദീപശിഖയുമേന്തി ഉച്ചക്കുശേഷം മൂന്നുമണിയോടെ കോഴിക്കോടിന്റെ അതിര്ത്തിയായ രാമനാട്ടുകരയിലെത്തുന്ന സംഘത്തിന് ഉജ്ജ്വല വരവേല്പ് നല്കും. രാമനാട്ടുകര മുനിസിപ്പല് ചെയര്മാന് ബാലകൃഷ്ണന് വാഴയിലിെന്റ നേതൃത്വത്തിലാണ് സ്വീകരണം. നഗരത്തിലെ സ്കൂള് വിദ്യാര്ഥികളുടെ അകമ്പടിയോടെ ദീപശിഖ വൈകുന്നേരം മെഡിക്കല് കോളജ് മൈതാനിയിലെത്തും. കായികകേരളത്തിെന്റ അഭിമാനം ഒളിമ്പ്യന് പി.ടി. ഉഷയുടെ നേതൃത്വത്തില് ദീപശിഖ ഏറ്റുവാങ്ങും.
95 ഇനങ്ങളിലായി 2650 അത്ലറ്റുകളാണ് മീറ്റിനെത്തുക. തൃശൂര് ജില്ലയുടെ താരങ്ങള് ഇതിനകം മെഡിക്കല് കോളജ് മൈതാനിയില് പരിശീലനം തുടങ്ങി. തിരുവനന്തപുരം മുതല് കാസര്കോട് വരെയുളള ജില്ലകളില്നിന്ന് വരുന്ന അത്ലറ്റുകള്ക്ക് പട്ടണത്തിലും സമീപപ്രദേശത്തുമുളള 13 സ്കൂളുകളിലാണ് താമസ സൗകര്യം. ഉദ്ഘാടനത്തോടനുബന്ധിച്ച് സ്റ്റേഡിയത്തില് വിവിധ കലാരൂപങ്ങള് അവതരിപ്പിക്കും. സ്കൂള് കുട്ടികളുടെ കലാപ്രകടനങ്ങളും കേരളത്തിെന്റ സാംസ്കാരിക പൈതൃകം വിളിച്ചോതുന്ന ദൃശ്യാവിഷ്കാരങ്ങളും ഉണ്ടാകും. മേളയുടെ രജിസ്ട്രേഷന് വെള്ളിയാഴ്ച കോഴിക്കോട് ബി.ഇ.എം ഹയര് സെക്കന്ഡറി സ്കൂളില് നടക്കും. തുടര്ന്നുളള ദിവസങ്ങളില് രജിസ്ട്രേഷന് സൗകര്യം സ്റ്റേഡിയത്തിലായിരിക്കും. ഡിസംബര് അഞ്ചു മുതല് എട്ടുവരെയാണ് മേള.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
