പരാജയ ഭീതിയിൽ സ‍ർവ്വ അടവും പുറത്തെടുത്ത് നേമം മണ്ഡലത്തിലെ എൽഡിഎഫ് സ്ഥാനാ‍ത്ഥി വി. ശിവൻകുട്ടി. നെറ്റിയിൽ കളഭവും ചാ‍ർത്തി കൊണ്ടുളള ശിവൻകുട്ടിയുടെ ‘ന്യൂ ലുക്കാണ്’ സോഷ്യൽ മീഡിയയിൽ ച‍ർച്ചയാകുന്നത്. ബിജെപി സംസ്ഥാന അദ്ധ്യക്ഷൻ രാജീവ് ചന്ദ്രശേഖറിനോട് ഏറ്റുമുട്ടാനുള്ള കെൽപ്പ് നഷ്ടപ്പെട്ടതോടെയാണ് ശിവൻകുട്ടി വിവിധ അഭ്യസങ്ങൾ പയറ്റിനോക്കുന്നതെന്നാണ് സോഷ്യൽ മീഡിയയുടെ അഭിപ്രായം.

‘നെറ്റിയിൽ ചന്ദനക്കുറി ഒക്കെ ഉണ്ടല്ലോ’, ‘എന്തൊക്കെ കാണണം എന്റെ കാറൽ മാക്സ് മുത്തപ്പാ’, ‘ദേ നോക്കിക്കേ അപ്പൂപ്പന്റെ നെറ്റിയിൽ കുറി’, ‘അയ്യോ നെറ്റിയിൽ ചന്ദനം നേമത്തിന് പുറത്ത് ള്ളവർ കാണും വേഗം മായ്ച്ചുകളയു’, ‘ന്താ സഗാവേ നെറ്റിയിൽ ഒരു കളർ…. ഹോളി ആഘോഷിച്ചതാകും ലെ’, ‘അമ്പലം കണ്ടാൽ വണങ്ങാത്ത വർ നെറ്റിയിൽ ചന്ദനം ചാർത്തി … എന്റെ ശബരിമല സ്വാമി യേ’, എന്നിങ്ങനെ പോകുന്നു സോഷ്യൽ മീഡിയയിലെ കമൻറുകൾ.

കഴിഞ്ഞ ദിവസം ക്ഷേത്രത്തിലെ ശ്രീകോവിലിൽ നിന്നും പ്രസാദം വാങ്ങുന്ന ശിവൻകുട്ടിയുടെ ദൃശ്യങ്ങളും സോഷ്യൽ മീഡിയയിൽ വലിയ ചർച്ചയായിരുന്നു. പൂജാരിക്ക് ദക്ഷിണ നൽകിയാണ് ശിവൻകുട്ടി പ്രസാദം വാങ്ങുന്നത്. ഇലക്ഷൻ അടുത്തപ്പോൾ കണ്ട മനോഹരമായ കാഴ്ചകൾ എന്നാണ് സൈബർ ഹാൻഡിലുകൾ ഇതിനെ വിശേഷിപ്പിച്ചിരിക്കുന്നത്.

കഴിഞ്ഞ ദിവസം അഞ്ചാം ക്ലാസുകാരിയുടെ ഉത്തരം എന്ന് പറഞ്ഞ് സിപിഎം അനുകൂല സൈബർ ഹാൻഡിലുകൾ പ്രചരിപ്പിച്ച ഫോട്ടോയിലും സോഷ്യൽ മീഡിയ സംശയം പ്രകടിപ്പിക്കുന്നുണ്ട്.