വീണ്ടുമൊരു ഏറ്റുമുട്ടലിനു വഴിയൊരുങ്ങുമോ? സാങ്കേതിക സര്വകലാശാലയില് താത്കാലിക വൈസ് ചാന്സലറെ നിയമിക്കാന് സംസ്ഥാനസര്ക്കാര് മൂന്നംഗപാനല് സമര്പ്പിച്ചെങ്കിലും ഹൈക്കോടതി വിധിക്കെതിരേ ഹര്ജി നല്കാമെന്ന് ഗവര്ണര്ക്ക് നിയമോപദേശം
സാങ്കേതിക സര്വകലാശാലയില് താത്കാലിക വൈസ് ചാന്സലറെ നിയമിക്കാന് സംസ്ഥാനസര്ക്കാര് മൂന്നംഗപാനല് സമര്പ്പിച്ചെങ്കിലും ഹൈക്കോടതി വിധിക്കെതിരേ ഹര്ജി നല്കാമെന്ന് ഗവര്ണര്ക്ക് നിയമോപദേശം.
കേരളത്തിനു പുറത്തായിരുന്ന ഗവര്ണര് ആരിഫ് മുഹമ്മദ് ഖാന് ഇന്ന് തിരിച്ചെത്തും. സര്ക്കാരിന്റെ പാനലില് അദ്ദേഹം തിടുക്കപ്പെട്ടൊരു തീരുമാനമെടുക്കാനിടയില്ല. ഗവര്ണര് നിയമിച്ച താത്കാലിക വി.സി. ഡോ. സിസാ തോമസിനെ മാറ്റാന് ഹൈക്കോടതി നിര്ദേശിച്ചിട്ടില്ലെന്നാണ് നിയമോപദേശത്തിലെ പ്രധാന നിരീക്ഷണം.
നിയമനരീതിയും കോടതി ചോദ്യം ചെയ്തിട്ടില്ല. മാത്രവുമല്ല സര്ക്കാര് സമര്പ്പിക്കുന്ന പാനലില്നിന്നു താത്കാലിക വി.സി.യെ നിയമിക്കാനും നിര്ദേശിച്ചിട്ടില്ല. ഇക്കാരണങ്ങളാല് സര്ക്കാര് പാനല് അംഗീകരിക്കേണ്ടതില്ലെന്നാണ് നിയമോപദേശം.
എന്നാല്, ഗവര്ണര് അപ്പീലിനു മുതിരുമോയെന്നു വ്യക്തമല്ല. എങ്കില്, സര്ക്കാരുമായി വീണ്ടുമൊരു ഏറ്റുമുട്ടലിനു വഴിയൊരുങ്ങും.
അതേസമയം, ഹൈക്കോടതിവിധി നടപ്പാക്കാനാണ് മൂന്നംഗ പാനല് നല്കിയതടക്കമുള്ള നടപടികളിലേക്കു കടന്നതെന്നാണ് സര്ക്കാരിന്റെ വിശദീകരണം. യു.ജി.സി. നിഷ്കര്ഷിച്ചിട്ടുള്ളതനുസരിച്ച് അക്കാദമികവിദഗ്ധര് തന്നെയാണ് പാനലില് ശുപാര്ശ ചെയ്യപ്പെട്ടവര്.സിസാ തോമസിന്റെ സര്വീസ് കാലാവധി ഏപ്രിലില് അവസാനിക്കുകയും ചെയ്യും.
"
https://www.facebook.com/Malayalivartha
