കോണ്ഗ്രസ് പ്ലീനറി സമ്മേളനത്തിന് ഛത്തീസ് ഗഡിലെ റായ്പൂരില് നാളെ തുടക്കമാകും... മൂന്നു ദിവസം നീണ്ടു നില്ക്കുന്ന പ്ലീനറി സമ്മേളനത്തില് പങ്കെടുക്കുക പതിനയ്യായിരത്തോളം പ്രതിനിധികള്
കോണ്ഗ്രസ് പ്ലീനറി സമ്മേളനത്തിന് ഛത്തീസ് ഗഡിലെ റായ്പൂരില് നാളെ തുടക്കമാകും... മൂന്നു ദിവസം നീണ്ടു നില്ക്കുന്ന പ്ലീനറി സമ്മേളനത്തില് പങ്കെടുക്കുക പതിനയ്യായിരത്തോളം പ്രതിനിധികള്.
1338 പേര്ക്കാണ് വോട്ടവകാശമുള്ളത്. കോണ്ഗ്രസ് ദേശീയ ഭാരവാഹികള്, പ്രവര്ത്തക സമിതി അംഗങ്ങള് തുടങ്ങിയവരെ സമ്മേളനം തെരഞ്ഞെടുക്കും. അടുത്ത വര്ഷം പൊതുതെരഞ്ഞെടുപ്പ് നടക്കാനിരിക്കുന്ന പശ്ചാത്തലത്തില്, പ്രതിപക്ഷ സഖ്യം അടക്കമുള്ള നിര്ണായക തീരുമാനങ്ങള് സമ്മേളനം കൈക്കൊള്ളും. ഇതുമായി ബന്ധപ്പെട്ട പ്രമേയങ്ങള് യോഗത്തില് അവതരിപ്പിക്കപ്പെടും.
പ്രവര്ത്തക സമിതിയിലേക്ക് വോട്ടെടുപ്പ് വേണ്ട, നാമനിര്ദ്ദേശം മതിയെന്നാണ് ഭൂരിപക്ഷം നേതാക്കളുടേയും അഭിപ്രായം. ഇതില് രാഹുല് ഗാന്ധിയുടെ നിലപാട് നിര്ണ്ണായകമാകും.
കേരളത്തില് എ കെ ആന്റണി, ഉമ്മന്ചാണ്ടി, കെ സി വേണുഗോപാല് എന്നിവരാണ് പ്രവര്ത്തകസമിതിയുള്ളത്. ഇതില് കെസി വേണുഗോപാല് തുടരും.
അതേസമയം ആന്റണിയും ഉമ്മന്ചാണ്ടിയും ഒഴിഞ്ഞേക്കും. ഇവര്ക്ക് പകരം നിരവധി പേരാണ് പ്രതീക്ഷയോടെ കാത്തിരിക്കുന്നത്. കോണ്ഗ്രസ് പ്രസിഡന്റ് പദത്തിലേക്ക് മത്സരിച്ച ശശി തരൂരാണ് പ്രവര്ത്തക സമിതി അംഗത്വം ആഗ്രഹിക്കുന്നവരില് പ്രമുഖന്. മുന് പ്രതിപക്ഷ നേതാവ് രമേശ് ചെന്നിത്തല ഇത്തവണ പ്രവര്ത്തകസമിതിയില് ഇടംപിടിക്കുമെന്നാണ് സൂചനകള്.
"
https://www.facebook.com/Malayalivartha
