ഊരിപ്പിടിച്ച വാളിനിടയിലൂടെയുളള തള്ളിന്റെ ക്ഷീണം ഇതുവരെ തീര്‍ന്നിട്ടില്ല. അപ്പോഴാ ദേ അടുത്ത തള്ള്. ഇത് പിണറായീടെ തള്ളല്ല ലേഡി പിണറായീടെ തള്ളാണ്. കൊലവിളി ഉണ്ടായിട്ട് കൂടി ഭയന്നിട്ടില്ല പിന്നെയാണോ ഈ ചെറിയ വെല്ലുവിളികളെന്ന്. വീണ്ടും എയറില്‍ക്കേറാന്‍ വന്നിട്ടുണ്ട് യുവജന കമ്മീഷന്‍ അദ്ധ്യക്ഷ ചിന്താ ജെറോം. അല്ലെങ്കില്‍ തന്നെ ഇതിന് നേരെയൊക്കെ ആര് കൊലവിളി മുഴക്കാന്‍. പറച്ചില്‍ കേട്ടാല്‍ പുന്നപ്ര വയലാര്‍ സമരത്തില്‍ പങ്കെടുത്തിട്ടാന്ന്......റിസോര്‍ട്ട് വാസത്തില്‍ വന്‍ പ്രതിഷേധം ഉയര്‍ന്നു...തെളിവടക്കം നിരത്തി തട്ടിപ്പ് പുറത്ത് കൊണ്ടുവന്നിട്ടും ഒരുളുപ്പും ഇല്ലാതെ കസേരയില്‍ അള്ളിപ്പിടിച്ചിരിക്കുകയാണ്. എന്നിട്ടും വീരവാദത്തിന് ഒരു കുറവുമില്ല. തള്ളിന്റെ കാര്യത്തില്‍ ലേഡി പിണറായി ആണ് ചിന്ത ജെറോം.

ഗവേഷണ പ്രബന്ധത്തിലെ തെറ്റ്, റിസോര്‍ട്ട് വിവാദം, ശമ്പള കുടിശ്ശിക വിവാദം എന്നിങ്ങനെ ചിന്ത നാറിനാണംകെട്ട് നില്‍ക്കുകയാണ്. പക്ഷെ ഒരുളുപ്പും ഇതിലൊന്നും സഖാത്തിക്കില്ല. കാരണം റിസോര്‍ട്ട് വാസത്തെക്കുറിച്ച് ചോദിച്ചാല്‍ ചിന്തയ്ക്ക് പറയാനുള്ളത്...വിവാദം തുടങ്ങി വച്ചത് അത്ര നിഷ്‌കളങ്കമാണെന്നൊന്നും തോന്നുന്നില്ല. എനിക്കെതിരെ ആസൂത്രിതമായി തന്നെയാണ് ഇത്തരം കാര്യങ്ങള്‍ പ്രചരിപ്പിച്ചത്. അമ്മയുടെ ചികിത്സാര്‍ഥം തന്നെയാണ് അവിടെ പോയത്. അത് പരിചയത്തിലുള്ളയാളുടെതാണ്. അതില്‍ പ്രത്യേകിച്ചൊന്നുമില്ല. ഇത്തരത്തിലുള്ള വ്യാജ ആരോപണങ്ങളിലൊന്നും എനിക്കു ഭയമില്ല. പ്രശ്‌നങ്ങളും വിവാദങ്ങളും ഉണ്ടാകുമ്പോള്‍ പാര്‍ട്ടി എപ്പോഴും കൂടെ നിന്നിട്ടുണ്ട്. അതെ അതാണ് പോയിന്റ് ഇവരുടെയൊക്കെ എന്ത് തോന്നിവാസത്തിനും കുട പിടിക്കാന്‍ പാര്‍ട്ടിയുണ്ട്. അതിന്റെ കൊഴുപ്പാണിത്. പാര്‍ട്ടി ഉണ്ടെന്നുള്ള ധൈര്യത്തിലാണ് കൊലല്ം ചിന്നക്കടയില്‍ യൂത്ത് കോണ്‍ഗ്രസ്സുകാരെ എടുത്തിട്ട് ചാമ്പിയതും. അതും ചിന്തയ്‌ക്കെതിരെ പരാതി കൊടുക്കുമോടെ എന്നും ചോദിച്ചായിരുന്നു ഡിവൈഎഫ്‌ഐ ഗുണ്ടായിസം. ഇതിനൊക്കെ പാര്‍ട്ടി ഒത്താശയുണ്ട്.

തളര്‍ത്താമെന്നാണ് എതിരാളികള്‍ കരുതുന്നത്. അവരൊക്കെ ആലീസിന്റെ സ്വപ്നലോകത്തിലാണ്. അതൊന്നും നടക്കാനേ പോകുന്നില്ല. പണ്ട് കൊലവിളിയുണ്ടായപ്പോള്‍ ഭയപ്പെട്ടിട്ടില്ല. പിന്നെയാണോ ഒന്നുരണ്ടു ചെറിയ വെല്ലുവിളികള്‍. അല്ല ചേച്ചി ഈ പണ്ടെന്ന് പറയുമ്പോള്‍ എപ്പോഴാണെന്ന് ഒന്ന് വ്യക്തമാക്കിയിരുന്നേല്‍ കൊള്ളാമായിരുന്നു. തള്ള് കേട്ടാല്‍ തോന്നും എതിരാളികള്‍ വെട്ടിവീഴ്ത്താന്‍ തിട്ടൂരമിട്ട പോലൊക്കെ. അല്ലെങ്കില്‍ ചീറിപ്പാഞ്ഞുവന്ന ഗ്രെനേഡുകള്‍ക്കും ടിയര്‍ ഗ്യാസുകള്‍ക്കിടയിലും നിന്ന് തൊണ്ടുപൊട്ടുമാറ് ഒച്ചത്തില്‍ മുദ്രാവാക്യം വിളിച്ചോ ലാത്തിക്ക് അടികൊണ്ടോ ഒക്കെ ഇവിടെ വരെ എത്തിയ പോലാന്ന്. സിന്ധു ജോയിയോ, അഡ്വക്കേറ്റ് ഗീനാ കുമാരിയോ ഒക്കെ ആയിരുന്നേല്‍ ഈ പറയുന്നത് കേള്‍ക്കാന്‍ ഒരു രസമുണ്ടായിരുന്നു. ചുളുവില്‍ യുവജന കമ്മീഷന്‍ അദ്ധ്യക്ഷ പദവി വരെ എത്തിയവരുടെയൊക്കെ ഒരു തള്ള് കേള്‍ക്കണേ. ഇത് ഊരിപ്പിടിച്ച വാളിനേക്കാള്‍ വല്യ വാള് കേട്ടോ.

യുവജന കമ്മീഷന്‍ അദ്ധ്യക്ഷ പദവിയേക്കുറിച്ചും ഒരൊറ്റത്തള്ളാണ് കേട്ടോ. പലരും കമ്മിഷന്റെ പ്രവര്‍ത്തനം എന്താണെന്നു മനസ്സിലാക്കാതെയാണ് വിമര്‍ശിക്കുന്നത്. എന്തിനാണ് ഇത്തരം ഒരു കമ്മിഷന്‍ എന്നു ചോദിക്കാറുണ്ട്. കേരളത്തിലെ യുവജനങ്ങളുടെ പ്രശ്‌നങ്ങള്‍ പഠിക്കാനുള്ള അര്‍ധജുഡിഷ്യറി കമ്മിഷനാണ് ഇത്. നിയമസഭ അത്തരത്തില്‍ ഒരു ആക്ട് പാസാക്കുന്നത് ഉമ്മന്‍ചാണ്ടി സാര്‍ മുഖ്യമന്ത്രിയായിരിക്കുമ്പോഴാണ്. ആര്‍.വി. രാജേഷ് ആയിരുന്നു ആദ്യ ചെയര്‍മാന്‍. പിന്നീട് 2016ല്‍ ഇടതുപക്ഷ ഗവണ്‍മെന്റ് അധികാരത്തില്‍ വരുമ്പോഴാണ് ഞാന്‍ ചെയര്‍പേഴ്‌സണാകുന്നത്. 18-40 വയസ്സുവരെയുള്ളവരുടെ പരാതിയാണ് കമ്മിഷന്‍ കേള്‍ക്കുന്നത്. യൂത്ത് കമ്മിഷന്‍ അധ്യക്ഷയുടെ കാലാവധി ആറുമാസമാണ്. പക്ഷേ, പുതിയ ഒരാള്‍ ചുമതല ഏല്‍ക്കുന്നതു വരെ തുടരാം. ഒരു കാര്യത്തില്‍ ചിന്താ ജെറോമിനോട് ഇവിടുത്തെ ചെറുപ്പക്കാര്‍ക്ക് നന്ദിയുണ്ട്...ഇങ്ങനെയൊരു വകുപ്പുണ്ടെന്ന് പലരും അറിയുന്നത് ചിന്ത വന്നതിന് ശേഷമാണ്. അത് യുവജനങ്ങള്‍ക്ക് വേണ്ടി മലമറിച്ചിട്ടൊന്നുമല്ല. കയറിയ നാള്‍ മുതല്‍ വിവാദമാണല്ലോ. അങ്ങനെയാണ് നാലാള് അറിഞ്ഞത്.