വിദ്യാര്ത്ഥിനികളോട് തെറ്റായ സമീപനം... വിദ്യാര്ത്ഥിനികളുടെ പരാതിയില് അദ്ധ്യാപകന് അറസ്റ്റില്
വിദ്യാര്ത്ഥിനികളോട് തെറ്റായ സമീപനം നടത്തിയ അദ്ധ്യാപകനെ പോലീസ് അറസ്റ്റ് ചെയ്തു. ലൈംഗികച്ചുവയോടെ വിദ്യാര്ത്ഥിനികളോട് സംസാരിക്കുകയും ഇടപെടുകയും ചെയ്ത അദ്ധ്യാപകനെയാണ് പോലീസ് അറസ്റ്റ് ചെയ്തത്. ആലപ്പുഴ അമ്പലപ്പുഴയിലാണ് സംഭവം. വിദ്യാര്ത്ഥിനികളുടെ പരാതിയെത്തുടര്ന്നാണ് ഇദ്ദേഹത്തിന്റെ അറസ്റ്റ്.
കാക്കാഴം എസ്.എന്.വി.ടി.ടി ഐയിലെ അദ്ധ്യാപകനും ചെട്ടികുളങ്ങര പഞ്ചായത്ത് വിദ്യാഭ്യാസ സ്റ്റാന്ഡിംഗ് കമ്മിറ്റി ചെയര്മാനുമായ ചെട്ടികുളങ്ങര കൈതവടക്ക് ശ്രീഭവനില് ശ്രീജിത്തിനെയാണ് (43) അറസ്റ്റു ചെയ്തത്. മുന് ബ്ലോക്ക് പഞ്ചായത്തംഗം കൂടിയായ ശ്രീജിത്ത് നിലവില് സി.പി.എം ചെട്ടികുളങ്ങര തെക്ക് ലോക്കല് കമ്മിറ്റിയംഗം കൂടിയാണ്.
നാലു വിദ്യാര്ത്ഥിനികള് ഏതാനും ദിവസം മുന്പ് പ്രഥമാദ്ധ്യാപികയ്ക്ക് പരാതി നല്കിയെങ്കിലും പരാതി പൊലീസിന് കൈമാറാന് സ്കൂള് അധികൃതര് തയ്യാറായില്ല. തുടര്ന്ന് വിദ്യാര്ത്ഥിനികള് നേരിട്ട് പൊലീസില് പരാതി നല്കുകയായിരുന്നു. ഞായറാഴ്ച വിദ്യാര്ത്ഥിനികളുടെ മൊഴി രേഖപ്പെടുത്തിയ ശേഷമാണ് ശ്രീജിത്തിനെ അറസ്റ്റ് ചെയ്തത്.
https://www.facebook.com/Malayalivartha
