കൊമ്പന്‍ ട്രാവല്‍സിന്റെ ടൂറിസ്റ്റ് ബസുകള്‍ നാട്ടുകാര്‍ തടഞ്ഞു. മടിവാളയ്ക്കു സമീപത്ത് വച്ചാണ് നാട്ടുകാര്‍ തടഞ്ഞത്. ബെംഗളൂരുവിലെ സ്വകാര്യ കോളജിലെ വിദ്യാര്‍ഥികളുമായി വിനോദ യാത്രയ്ക്കുപോയ ബസാണ് തടഞ്ഞത്. വലിയരീതിയില്‍ എല്‍ഇഡി ലൈറ്റുകളും ഗ്രാഫിക്‌സുകളുമുള്ള ബസ് മറ്റു വാഹനങ്ങള്‍ക്ക് അപകടത്തിനു കാരണമാകുമെന്നു ചൂണ്ടിക്കാണിച്ചാണു നാട്ടുകാര്‍ ബസ് തടഞ്ഞത്.

നാട്ടുകാരും ബസ് ജീവനക്കാരും വാക്കുതര്‍ക്കമുണ്ടായി. തുടര്‍ന്ന് ബസിന്റെ മുന്നിലെ ഫ്‌ലൂറസന്‍സ് ഗ്രാഫിക്‌സും മറ്റും മറച്ചശേഷമാണു യാത്ര തുടരാന്‍ അനുവദിച്ചത്. ഏകീകൃത കളര്‍ കോഡില്‍നിന്നു രക്ഷപ്പെടാന്‍ കേരളത്തില്‍നിന്ന് കര്‍ണാടകയിലേക്ക് കൊമ്പന്‍ ബസിന്റെ റജിസ്‌ട്രേഷന്‍ മാറ്റിയിരുന്നു. മുപ്പതോളം ബസുകളുടെ റജിസ്‌ട്രേഷന്‍ ബന്ധുവിന്റെ പേരില്‍ മാറ്റിയെന്നാണ് പത്തനംതിട്ടയിലെ ഉടമ അറിയിച്ചത്.