ചങ്ങനാശേരി അതിരൂപത മുന് ആര്ച്ച്ബിഷപ്പ് മാര് ജോസഫ് പൗവത്തിലിന്റെ കബറടക്കം ഇന്ന്... സംസ്കാര ചടങ്ങുകള് സീറോ മലബാര് സഭാ മേജര് ആര്ച്ച്ബിഷപ് കര്ദിനാള് ജോര്ജ് ആലഞ്ചേരിയുടെ മുഖ്യകാര്മികത്വത്തില്
ചങ്ങനാശേരി അതിരൂപത മുന് ആര്ച്ച്ബിഷപ്പ് മാര് ജോസഫ് പൗവത്തിലിന്റെ കബറടക്കം ഇന്ന്. സീറോ മലബാര് സഭാ മേജര് ആര്ച്ച്ബിഷപ് കര്ദിനാള് ജോര്ജ് ആലഞ്ചേരിയുടെ മുഖ്യകാര്മികത്വത്തില്
കുര്ബാന, നഗരികാണിക്കല്, തുടര്ന്നാണ് കബറടക്കം. ചങ്ങനാശേരി സെന്റ് മേരീസ് മെത്രാപ്പോലീത്തന് പള്ളിയിലാണ് സംസ്കാരം നടക്കുക.
ചൊവ്വാഴ്ച രാവിലെ ആറ് മണിയോടെ ചെത്തിപ്പുഴ സെന്റ് തോമസ് ആശുപത്രിയില് നിന്ന് പൗവത്തിലിന്റെ ഭൗതികശരീരം അതിരൂപതാ ഭവനത്തില് എത്തിച്ചു. സംസ്കാര ശുശ്രൂഷയുടെ ഒന്നാം ഭാഗം ഇന്നലെ രാവിലെ ഏഴ് മണിയോടെ ആരംഭിച്ചു. തുടര്ന്ന് പള്ളിയില് ഒരുദിവസം നീണ്ടുനില്ക്കുന്ന പൊതുദര്ശനം. ഇന്ന് രാവിലെ 9:30ന് സംസ്കാര ശുശ്രൂഷയുടെ രണ്ടാം ഭാഗം ആരംഭിക്കും.
അതേസമയം വാര്ധക്യസഹജമായ അസുഖങ്ങളെത്തുടര്ന്ന് ചികിത്സയിലിരിക്കെയാണ് ചെത്തിപ്പുഴ സെന്റ് തോമസ് ആശുപത്രിയില് പൗവത്തിലിന്റെ വിയോഗമുണ്ടായത്. സിബിസിഐയുടെയും കെസിബിസിയുടെയും അധ്യക്ഷന്, ഇന്റര് ചര്ച്ച് കൗണ്സില് ഫോര് എജ്യുക്കേഷന് ചെയര്മാന് എന്നീ പദവികള് വഹിച്ചിട്ടുണ്ട്.
" f
https://www.facebook.com/Malayalivartha
